無得出糧???

琴晚同舊公司同事吃飯, 談話中聽到話呢個月巨地多數應該無得出糧哦….
原來間公司系甘同銀行借錢, 將自己既物業按完又按, 跟住又系大陸發大來攪, 成立左好多公司….攪到今時今日就系, 一個蓋禽十個褒的結果….前排又問HSBC借了筆錢, 但對方遲遲都未有錢入戶口, 公司內的皇親國戚又日日系甘”FING”錢, 根本而家個戶口刮沙都無(朋友做會計部的)…..今日都話未知何時有,真陰公.
雖然話未夠7日期限可以吾使同人交代, 但就難爲左我朋友, 一定日日比人問候(甚至系老母)….
聽完都捏一把汗, 好彩走得快…..打工打工, 無得出糧勢系假…..
家族生意實在不敢恭維…..
有時打份工都好睇你彩數, 遇到好老闆好同事固之然好, 但點都吾及一間穩健公司來得實際, 大老大姐, 每日一開眼就需要使錢, 邊可能話吾收錢….唉, 總之, 祝巨地好運拉.
(唯一中意而家間公司既好處系:出糧永早無遲,最低限度都準時)

重陽+萬聖節

一年一度既萬聖節又來了....印象之中始終重視老外鬼節多過中國人的重陽, 個個都出去話扮鬼慶祝去癲,有無人話去慶祝重陽節架??无咯....
廢話少講, 開心的是可以不用理會公司既野三日,實在高興高興....系我呢個禮拜的搏鬥后, 呢三日簡直系我既救星....要好好享受下, 攤屍在家乜都吾做就最舒服, 最喜歡懶洋洋的感覺, 吾出街吾洗頭, 吾化妝, 吾史錢....哇, 想得幾完美, 哼, 忍得住先算拉.....
各位, 節日快樂哦.....

PS:雖然我將不在香港,有事找我的話致電我手機拉....(如果你掛住我, 哈)

溝通

我有個朋友叫GLORIA, 平時我同巨一齊出現既場合就一定无冷場,
平時既巨好TOUGH好理性好有邏輯下,成日叫自己馬甩同叔叔,查實根本就系好細心既女人一名,
但呢兩日巨又差點嚇曾大家: 古吾到巨竟然可以系忍無可忍的情況下叫媽媽:食屎拉,好无?(请留意語氣應該是平和的).....
其實事情並不是甘表面化地對媽媽不禮貌, 事實上系有好多老人家真的不太"識趣",
喜歡以老賣老....包括我老媽....
平時想請巨出去吃餐飯, 基本上要好似跪下求巨一樣, 她的理由系:吾想我晒錢.
但一餐飯又吃得幾多錢, 對我來講, 呢個只不過系兩女陪伴溝通的一種方式, 不在於錢的問題,
OK, 就算果餐飯的錢慳落來, 但我都一樣會用系第二度...事實上並沒有慳到錢....
相反好好地BOOK晒台, 買晒巨中意既禮物, 結果換來的多數系一頓數落....表面上睇, 巨并吾欣賞我呢種"孝心"....
不過, 再想深一層, 其實巨既出發點都系為我好, 如果我要攪對抗, 大家一定你一言我一語對抗到底,
我嘗試儘量遷就, 只不過, 我都需要她的諒解和支持, 工作的辛勞同壓力, 真的想用另一種方法跟自己最親的人去舒緩, 呢兩年我第關係比以前好了很多, 因為我學懂好好忍耐同接受媽媽的傳統思想, 因為只有一方遷就先會有和諧的氣氛, 我希望自己做得到, 也都希望媽媽可以體諒同了解, 很多事情並不是老年人的專利, 學懂互相尊重先系最重要的.

三百元回增??!

话说前两日正当我埋头苦干既时候, 突然手提电话响...无号码显示,
局住听,呢排因为老板很喜欢在出差时打我手提而不打公司电话;
点知一听就差D讲粗口,系条女打来开口就话:
女: 阿亭小姐呀?....
我: 我姓丁既!!咩料?
女: 唉,呢度系邦民打来既, 我地而家有个优惠呢, 如果你借一万元以上呢, 就有三百元回增的,......
我: 米住! 第一, 你点知我电话? 第二, 我吾等钱使! (正想收线)
女: 啊....吾系啊...丁小姐, 呢个优惠只做到XXX.....而且呢有三百元的回增哦.....
我: 吖小姐啊, 我都话吾等钱使咯, 无理由为左果三百元而去同你地借几万元又要无拉拉比贵息架?系吗??我都无需要, 你明吾明啊???
女: 哦, 我明白既, 不过真系好优惠哦.....
我: 顶, 甘优惠你米自己借咯 ,妖...(收线)
琴晚吃饭的旧同事笑餐死话:系米条女自己等钱使阿?...
真系服左而家D电话销售员, 系吾系都打,讲野又无POINT(重点)....
唉....算, 就当系我做到呕血既时候既一点调剂好了....
想想又几好笑既....

新生命

朋友的預產期醫生說是10月20號,
原來真系可以那麼的準, 今晚打電話給她, 她老公說她已經入左產房有一段時間了,
因為實在太痛, 實在拿她无辦法....
我猜想, 一定是痛得在病房內叫得別人都忍受不了吧....
但是可以聽得出, 她老公的聲音是愉快, 期待的.....
初為人父的他, 由心發出令人開心的語調....
每當想到此處, 當堂令這個超喜歡小孩子的我卻步;
但當見到別人家的BB可愛好玩的樣子, 自己又心癢癢,
想整個出來玩玩.....
你看, 一個生命多麼容易產生, 又多麼容易失去...只要你一個念頭,
就可以操縱她/他的生死大權....
生命何等脆弱无助, 但又充滿生機.....

奧妙~~~~

老生常谈

人是否真的要到最后无法挽留的地步才去面对问题和自己呢?
有个朋友终于做了个重大的决定, 离开那段令她痛苦不快的婚姻,重新开始新的生活.
我想,这个决定一定很难,对朋友或我自己来讲, 真的是很难鼓起勇气, 我也会退缩的,正常的反应....有谁人愿意一段20年的感情在一个名字上划上句号....但事实是, 我们又能够做些什麽去让它历久常新, 永远新鲜?? 如果那段感情已经变质, 再留也是枉费....倒不如痛一时, 狠狠地割一刀, 让自己痛个够, 明天又是一条好汉......
话虽然说得容易,又有多少人能做得到?
痛苦还是解脱, 任由君选择....
塞翁失马,焉知非福.....
人总要有时间去学习坚强的, 每每在教训中有得着,只是自己当时并不察觉.....
珍惜眼前人...朋友,家人, 爱人....
老掉牙的话却永远是最值得去细味的东西.

好彩?吾好彩??

中午吃完饭后的时间,大约于2点左右, 突然听到"砰"很大一声,类似东西由高处跌下的声音, 好奇心之下,走去窗口望, 一望吓一大跳.....
原来隔离个地盘顶(应该有成20几层楼高)跌左两条好大好粗的钢管落来系后面(柯达大厦近油站)的路上, 当堂叫左出来,因为眼前的状况是: 一架BENZ被压成废铁般的在路中间....前后左右的车都停止了,一定是吓傻左.....正在我们担心车内会否有人受伤或生命危险时,消防员已经有人跑过来....全街的人都吓到呆了, 因为实在太快, 无人有反应住......格左一段时间,见到消防员将司机从车内抱出来....还好,没有受伤.....真是不幸中之大幸.....我想那位司机根本未知道发生咩事已经被压下来的钢管压扁后座而不知所错了....
当时的情形真的蛮震撼的, 我地一班女同事都吓到了....我也呆了几分钟左右.....
我想系出事车辆后面的那架货车先系最惊的,因为目赌发生.....
如果司机当时没有向前开了那一点点的路,那她就是.....已经变成肉饼咯...
唉, 人真化学, 一秒钟就可以与死神那么接近.....
突然想起果套戏: 死神来了!!!
希望个司机可以尽快忘掉今天发生的事同阴影......

Lindt & la Maison Chocolate

公司今年生意做到发癫, 最近又有新牌子, 由做开的REFER过来, 今次特别D, 系CHOCOLATE牌子: LINDT 及法国牌子: LA MAISON.
话说LINDT香港的老板有意系香港发展开新铺, 本来约左系6号星期五, 不过客人记错时间开会,系甘于29/9CALL我老板问点解未到,惨在老板正在OVERSEA出差....于是搅一大轮后,巨终于知道自己记错日子, 吁.....系甘打电话来SAY SORRY......我梗系趁机拉, 我话要朱古力咯, 结果就......
前几天老板跟LINDT的会面, 回来后罗来接近10盒(我要的是注明的DARK ONE)说是给我们吃的朱古力....一时之间令原本沉郁的OFFICE一下子有了点生气....大家七嘴八舌地又吃又谈, 终于"浪费"了珍贵的15分钟后,一切又回复平静.....不过偶尔调剂一下, 真的可以舒缓公司繁忙而抑郁的气氛...工作繁重之余,还有一个字永远缠绕着大家: 乱!
嘿嘿, 希望可以做得成, 起码CHOCOLATE系能够令人开心起来的东西, 至少对我来讲,百试百灵, 朱古力狂热份子就系我.....

白頭髮!!!

昨天起身的早,因為要陪表妹去深圳按摩.....
照約定, 她于上水車站等我的那架羅湖的火車....半個小時後, 表妹上車了....我坐著,她站著, 正在談論些話....突然,聽到她很大聲的叫到: 表姊, 你有白頭髮阿, 我見到有三條阿!!! 當堂將正在高談擴論的我停止對話, "O"型嘴甘對住正在用手逐條數我白髮的表妹.....於是,整個車卡的人同時望向我這邊......表妹似乎不亦樂乎:1條2條3條的數梗.......我愕然:哪有那麼多條阿, 我從來都沒有白頭髮的哦...一下子出了那麼多條????不要嚇我......"有阿,你看, 我見到表面的已有三條,下面還有呢....."
夠了,表妹, 不要再告訴我了, 我知道了.....在我喝止下, 她終於不再用手指指住我那帶有白髮的頭!!
真的....有點打擊, 我從來沒有想過自己會在這個年紀已經滿頭白髮,.....突然聽到了, 別人看到了, 自己心理真不好受......
表妹後來的一句, 簡直系明燈: 唉, 表姊, 你以前都沒有白髮,一定係呢份工作拉, 一年嘖, 已經有甘多白髮了......何苦....!!!
比D時間我, 表妹, 我會愛惜自己的, 工作故之然辛苦, 但如果情況更惡劣的話, 我是會將自己擺在第一位的,放心.....

中秋節快樂

往時的中秋節都是在盼望中渡過的, 可以玩燈籠, 點蠟燭, 吃月餅(我的至爱之一)可現在年紀越來越大後, 發覺中秋越來越像過年, 大家都只是一起吃頓飯就算....好多人更甚是連月餅呢類傳統的應節食品都吾掂了.......越來越公式化......
少少牢騷, 還望見諒.....嘿嘿, 中秋節好快樂阿,甘多位廖太, 總有CONNIE, ANNIE等等.....

welcome, welcome.........

呢個係我的新家, 歡迎大家的閑來坐坐,吾史客氣......
之前一路都用MSN SPACE, 發覺吾多好用, 都係用呢個方便D,
希望大家有時間就來停下我發洩, 發癲, 發UP瘋拉......