my little place

月餅都有老翻

2009-09-16T11:01:00.007+08:00

真系唔到你唔信，大陸真系乜都有！

繼之前既雞蛋啊，奶粉有假野外，而家連香港月餅牌子都有假貨，仲要系正大光明系網上面賣，我自己都親身系深圳羅湖口岸關口見過（海關入面），D假既榮華月餅混系真既一堆內魚目混珠，我地香港人就梗知邊款系假野啦，但上面Ｄ顧客未必咁精靈；我就親眼見過真系有人買。。。作死，食死都無人賠！

RMB75 　，　RMB135

雖然無講到邊個至系真，但佢地標明價錢，識貨既人一睇就知邊個系真野，一個系翻版，差左成倍價錢咁制；另外品牌英文名字都已經睇出端倪，香港系：Ｗｉｎｇ　Ｗａｈ，大陸系國語拼音：Ｒｏｎｇ　Ｈｕａ．．估計美心，奇華都不能倖免。

唔怪得上面Ｄ同胞永遠都覺得香港既貨物先系真正的正貨。。。有跡可循呢！

又敗家！

2009-09-07T14:33:00.011+08:00

話說上個月某晚約左朋友食飯，未夠鐘腳痕痕走去利園商場，又身痕痕地走入左chanel店鋪內，跟住又口痕痕話要試classic flip。。。結果唔夠15分鐘就手痕痕敗左家了，仲要系破自己記錄系最短時間內敗最多的一次（唔計買首飾坐成粒鐘果D呀）。。。

（嘿嘿，唔記得攞走張雪梨紙添）

買單時肉都赤埋！！！唉，鬼叫自己中意（前兩年唔捨得買，結果而家要比多既幾千銀，悔恨！！），無辦法，唯有呢幾個月慳D使咯（唔系食谷種，系要使少好多無謂錢就真，大啦啦幾皮野，唔慳點得呢又）。

認真敗家~~~（有D內疚）！

耶，媽媽回歸咯

2009-08-24T18:56:00.003+08:00

終於系接近9個月后，媽媽終於狠下心番來HK了，確實日期系2號。

媽媽番來有幾樣好處，就系：有人煮飯煲湯，有人執屋，有人掃地拖地。。。
要馬上行動再清潔下家中一切了，省得她回來后見到破口大駡，陣間飯就無得食，貓面就大大碗有得我啃。

過左好耐無媽媽系身邊的日子，習慣了自由，要收斂一下咯。

Anyway, welcome home, Mom.

好想去呀

2009-08-18T18:41:00.002+08:00

2009 Jiro's Birthday Party日期：
2009年8月24日時間：下午4點報到地點：典華旗艦館日出廳
台北市中山區植福路8號(內湖木柵線劍南路站下)備註：請攜帶會員卡及身分證或護照供現場審核感謝大家踴躍參與讓我們期待824的到來吧!!飛飛城邦敬啟

真系好想好想去，可惜我唔系會員又已經爆曬額，得二百個位。。。一定可以好近好近咁接觸佢，如果可以去到，今次我一定要夠膽望住佢，望到佢蝕為止！！哇哈哈。。發下夢都已經好開心。

東東，超想你喲。

買樓？O曬嘴

2009-08-06T00:42:00.004+08:00

今日下晝老闆突然叫我同另外兩個同事入房，以為有咩大件事要宣佈，點知，一坐低佢就話：我呢想到D新野就算經濟唔好都可以大家KEEP住有野做（唔通佢覺得我地個個都好得閑？？），就系：我睇好下半年的地產，所以有個方案，于其而家咁辛苦去搵客，不如自己做D野 - 你地開始幫我留意下公司附近各區的大型屋宇市場，有好價位既就幫我買落來，我地自己翻新（我地老本行）然後好價賣或者租出去，有D唐樓都好有發展潛力，我好多朋友做呢行而家都咁做，生意仲唔錯添。。。。。

我地即時O曬嘴，幫公司買樓投資？？我地？？喂，我來做秘書嘖人地來做會計嘖哦，要留意個市仲要出去睇樓，仲要格價，更恐怖既系來緊幾個月都要比D地產佬奪命追魂CALL騷擾。。。。
咩叫入市好價？咩又叫好價去放呢；買錯放錯賺唔到錢又會點？？你古買顆菜咁簡單，唔啱就可以丟左佢呀？？？
仲要我地去做research, 做presentation比佢，邊區屋宇邊個座向單位最賣得，買賣價錢有幾多Percentage上落。。。我的媽呀！
點解唔直頭叫地產佬去做，話曬人地都系專業。。。。靠我地？唔系掛。。。玩咁大？！

經濟唔好d老闆真系乜都想得出，好得人驚，再咁落去，我系咪要出去企街搵客呢？正所謂幾十歲人做咯咯都無客，做媽媽生都無人要啦。。。唉。。。。份工真系越來越難撈，我都唔知自己捱得幾耐。。。。！！！

不要驚喜住

2009-07-27T00:16:00.005+08:00

來梗三個月行程緊密，千祁唔好突然比我“驚喜”（其實一路都在努力中，奈何無任何反應），如果而家先來就真系。。。乖乖地如果要來既話遲多幾個月好嗎？唔好比太大驚喜我，OK？

但如果，如果上帝早有安排，咁我都會開心地接受呢個祝福的，唯有取消行程了吧（當然不希望這樣發生呢），感謝主！

衰野繼續嚟

2009-07-17T10:59:00.002+08:00

呢輪公司風風雨雨，有舊牌子走亦有新牌子加入；個個都做到泄曬氣，盡心盡力，仆心仆命后既結果就系：個客可以用一個report就玩死你！

呢個世界風水輪流轉，尤其我地呢行，無永遠既客亦都無永遠既敵人，行頭確實比較窄；如果個客唔想繼續比我地做呢個牌子，大可以終止合約，大大方方，何必日日系度找錯處，找藉口，連粒螺絲都可以話唔系咁樣，呵呵，真系幾好笑（明明系佢地自己approved），何必呢，做到我地死仲要踩多你幾腳，好證明你自己多麼地精明，還是根本就系一早鋪排好的電視劇？？比個陷阱你跌落去，再隔岸觀火，悠然自得？！唔同你做既一切純粹為你自己公司好？？？

老闆想出好多可能性：客人想轉vendor，想踢我地出局，甚至乎系呢條扮法國人的臺灣賤精（嚴格來講系個賤格基佬-屎忽鬼）系我地死對頭派入去客人公司的臥底。。。哈哈，真系天馬行空，咩都比佢唸到，佩服佩服！！同事話願意傾家蕩產聘用殺手隊冧呢個PK，問我有無計，我( ⊙ o ⊙ )！。。。

好無奈，生活系呢個世界呢個空間呢段時間，我仲可以做D咩呢？！

2009-07-07T00:58:00.003+08:00

呢排多左去facebook，冷落左呢度添。
今晚突發奇想寫兩句。

偶像明星是否真系會比娛樂圈呢個大染缸影響，未紅先嬌，又或者得大頭症？？
對於自己喜愛既明星我當然唔想見到有咁一日，因為咁樣根本就系自毀前途！我想見到既系呢個人不斷進步不斷爭取不斷努力，系，呢個可能系好多粉絲既心聲，雖然會令藝人好大壓力，但既然選擇呢條路，就應該好好走落去，做任何事大概都需要呢個精神，因為每個人每條路都迂迴曲折，一帆風順的大概只有小說先可以搵到。
無論媒體點寫點玩，藝人自己的本質先系最重要的吧。

喜歡東系最近的事，雖然比較來講，佢年紀確實細我好多，做我細佬卓卓有餘，大概都系因為呢個關係，對佢有份特別的關愛，無論佢以前點樣捱到今日，我覺得佢系一個真男人！比較起而家好多不負責任年紀比佢大的男人，佢有份特別既堅持；所以當有人話佢好自戀，好貪靚，我都會擔心說佢是否有點太沉迷自己既明星的世界，覺得自己是大明星了。。。始終不希望見到一個自己喜歡的藝人落到低落的地步，但呢樣野只有靠佢自己，無人幫到。

佢地比我感覺好親近，會寫BLOG，會同粉絲有互動，呢樣野好難得。
以前狂迷JERRY既時候好可惜無呢D互動，真的很可惜耶~

故此，真的希望佢會一路好好走落去，謙虛很重要，風采不可無，但是依然做本來的JIRO，原來的東城！

加油，東東！
祝福你~~~~

PS：寫既時候突然見到東風播TANK的如果我變成回憶，有東東，還是有緣分的說，哇哈哈~~~~~HAPPY

危機加重中

2009-06-29T18:05:00.002+08:00

老闆開始越來越癲，日日拍臺拍蹬破口大罵，電話又來比佢錠爛！

好笑既系，兩個老闆竟然近期掉轉來發脾氣，本來燥底果個而家越來越講“道理”, 本來好講道理講“人情味”的一個就變得蠻不講理，理橫折曲，只要系客有少少投訴就認定一定系我地公司D人做錯，問都唔使問就柄！！
有時候見到D同事真系被鬧到O曬嘴，但邊個會同老闆拗呀，咪佢想點就點咯；但事實系佢就越來越誇張，可能系因為生意唔好對公司影響越來越大，佢脾氣越來越差，少少事仲燥過我。。。唉，老實講，如果佢系咁，公司D夥計會好擔心壓力會更大。。。唔知佢知唔知呢，雖然我地都明白佢系擔心公司而引致

唉，勁DOWN既心情，唯有睇多幾次JIRO咯，見到佢起碼開心一半。。。
希望陰霾快些過去，好運再次降臨我身上。

大家努力努力~~~

危機！

2009-06-18T13:02:00.000+08:00

去年底的金融風暴，好多公司都喊曬口話影響好大，裁員倒閉乜都有。

當時我地公司岩接左好多09年上半年的PROJECTS，直到上個月尾都系忙忙忙。。。不過危機似乎慢慢出現，本來應該系今年上半年就落定下半年ORDER既客戶，而加都勒緊褲頭唔肯放水了，致使到6月份都無咩似樣既工程系手。。。開始覺得很重的火藥味。

老闆們因為未有大單而鬱鬱寡歡，少少事就拍台拍凳大鬧同事或師傅。。。心情可以瞭解，公司無大單番，開支仍然甘多，人工雜費，呢樣果樣，又真系令人擔心。
雖然我好清楚，其實我地公司財政好穩健，因為甘多年都從來沒有同銀行借過錢做生意（厲害），老本都有不少既，講得唔好聽，就算下半年一單生意都無，仍然問題不太大；但一間公司點可以突然一下接少甘多大工程（講梗系起碼150-300萬左右一張，以前每年起碼20-30單，而家得果5-6單都無），影響話無你都唔信啦；前兩年接單接到手軟，廠同師傅都根本做唔切，仲衰到要揀客來做，唔系超級大牌子都過主；而加。。。一個小小既客，老闆都懶緊張地要我地跟到貼一貼，一個唔覺意服侍得唔好又話無左個客，唔好話我白鴿眼，有D大概五十萬樓下既客以前我根本不放在眼內，而加。。唉。。。

到左6月份，壓力同危機越來越明顯，真正開始擔心公司的生意前景了。。。不過我地公司唔會炒人，呢個可能系傳統，兩個始終系有人情味的老闆，容忍度都好高。。。講真，他們真的算不錯了（雖然我平時都會呻）。

甘既時世，無咩要求，只求工作安定，收入穩定，希望來梗下半年會有新機。
大家一齊努力！！
Fighting!!!!

Jerry的新歌- 在KTV說爱你

2009-06-16T10:17:00.003+08:00

今日無意中上網聽歌時見到舊相好JERRY出左新歌 - 在KTV說爱你

聽完覺得旭唱歌真系有進步，起碼運氣同換氣方面都有改進，聲腺比以前厚左。。。真的成熟咯，加油，旭！！

聽講就来出新碟，等左五年，再次出征。

此曲收録系：華人群星17
http://www.6621.com/Music/615683074.html

我很好，大家請放心

2009-06-15T11:10:00.001+08:00

病情報告2：
- 每日都要聽巨地既歌先可以瞓
- 起身要聽默默，大東版的
- 每日都要睇大東的視頻才可以瞓
- 無論06年出道到而加既野我都要睇
- 每日對住巨多過對住我老公（起碼10倍）

真系好奇怪，經過連續2個多星期的偶像劇，視頻，MV轟炸，我竟然越來越精神，毫無倦意，晚晚唔願瞓不得止，每日瞓果3-4個鐘頭都可以樂此不疲！！

一眾朋友已經開始擔心我了，
阿四話：你真系好停下煲大東了哦，再甘樣落去你會唔掂架，好快會厭！”
朋友A：“你真系中毒太深了，好驚你精神頂唔住（話曬都幾十歲人），突然暴斃”

但我根本就欲罷不能（連老公電話都唔聽），一番到屋企就想睇巨既野，事實我（病情）真系好嚴重，系公司都成日心鬱鬱，好彩我公司無BLOCK到呢D網頁，如果唔系我一定癲都似，要飽受“相思”之苦哦，人間慘劇添啦。

就系因為仲系探索既階段，所以更加有心機去揾巨D野，睇左甘多巨地上電視既訪問，視頻等，發覺呢條仔真系自戀狂，極之貪靚，不化妝一定唔除太陽眼鏡，鏡頭前就是愛耍酷，放電，動作多多，好喜歡講爛GAG，總之系殺人不償命的那種（我系其中一個受害者）！

所以大家不用擔心我拉，我越忙越精神（只是JIRO），病毒應該已經到頂了，也不可能更毒落去了掛，呵呵。

多謝大家關心喲~~~

我的母校-循道衛理(Wesley College)

2009-06-12T17:11:00.003+08:00

今日系facebook无意中查到以前母校的资料，竟然揾到我GRAD时的相，好懷念呀！
果时学校系我家對面（炮台山道），短短3分钟的路程，我都可以遲到，你話系咪抵打？！

睇到張相，想起好多好多的點滴，光蔭似箭，一晃就十多年了，唔認老都唔得，唉。

大家古下便個系我？？
系最后一排女仔，左起第四個暑唛咪我咯。。。哈哈。

2009-06-10T12:06:00.001+08:00

大东的过去与努力（借别人的一用，谢谢下面署名小吉的朋友）
分类: [-公告区-]
大东的爸爸是普通的大厦管理员妈妈因为年迈而且有弱视一直都没有出去工作在爸爸和妈妈40多岁的时候才生下了大东所以大东是老来子大东从小身体就不是很好也许是老来子的缘故但是爸爸妈妈一直很疼他后来爸爸得了糖尿病在医院住了5年（不是天天住）妈妈也经常往医院跑最后爸爸还是因为糖尿病去世了爸爸在临终前对大东说你要肩负起养这个家的责任大东答应了爸爸就这样走了那年大东18岁大概就是从那时开始大东为了养家和还贷款（爸爸在的时候为家里买了一套房子向银行贷款了600万元）四处工作有时候一天要打3份工在酒吧做过服务生在公园扮过充气娃娃甚至有人说他还搬过煤炭......在那时大东也开始兼职做模特后来有幸签约到了BMG 公司准备把他周董陈小春3人作为三J计划推出（他们的英文名字都是J开头）可惜一场911灾难让公司市场部解体而大东这位只进棚录了一两首歌没发片的歌手当然是同时被解雇但是大东并没有放弃后来大东又签约了一家唱片公司在那里呆了1年公司都没有让他出唱片的意思大东彻底的打算放弃于是他去当了兵 2年后他回来了因为对之前2家唱片公司的事情让他没有信心再次希望站在梦想的舞台上于是他开始做起了造型助理那个时候的台湾娱乐圈的艺人都知道有一个整天背着吉它跟在造型师后面的造型助理也就是那个时候开始大东认识了很多广告导演之后才开始拍广告直到后来遇到了可米的老板老板要签他的时候他犹豫了因为有前2次的先例他不得不担心和害怕就在这时一个前辈的话点醒了大东前辈对他说你想将来老的时候对着你儿子说儿子啊爸爸曾经有个梦想但是一直没有勇气去完成...... 就是这句话让大东有了勇气他觉得年轻的时候是应该为梦想打拼不让自己老的时候留遗憾就答应了可米的老板之后他有机会出演了恶作剧之吻对一个热爱摇滚喜欢唱歌的人来说演戏并不是他们的所爱甚至有些为难他们但是恶作剧之吻的导演瞿导对大东说演戏不只是演的而是要用心去演大东记住了这句话也渐渐开始爱上了演戏到现在已经喜欢演戏了演技也有了明显的进步大东认为这一切都是因为瞿导所以他一直很感谢瞿导也很尊敬他...... 大东06年因为飞轮海的走红赚了250万（净赚）但是他每个月只留5000元给自己用只因为要还债他爸爸当年贷款的600万加上利息再加上前几年大东工作不稳定的时候欠下的钱（大东曾经穷到没饭吃）现在总共要偿还的债务总额是近1000万元所以大东要把这些钱全部还完还需要很长的时间大东是穷但是他穷得有骨气他总是用自己的双手去努力去赚钱他06年一年从来没停下来过一直在拍戏一直在工作只因为要赚钱还账他没有飞轮海其他3人家里优越的条件他需要偿还的债务太多所以他只有不断的工作工作再工作亚纶和亦儒可以读书吴尊可以去度假甚至回文莱过节而大东只能不停的工作工作只因为他要养家他要还债身体一向不好的他喉咙曾经失声所以一直在吃妈妈为他准备的通大海台下的他很安静只因为医生告诫他如果不想再次失声的话就不能多说话有干眼症的他在拍花样少年少女的时候曾经一度无法睁开眼睛来完成拍摄他还有鼻炎所以唱歌的时候总有鼻音身体一直不好的他有次被工作人员带去看病医生建议他用燕窝来调理的时候他拒绝了只因为他觉得那是昂贵的食品终于在2006年的圣诞前夕大东因为拍戏淋雨加上长期的劳累在片场留了1天鼻血之后晕倒在了片场工作人员直接把他送进了台大医院而那次一住就是3天那也是是大东第一次在医院度过圣诞节...... 我们总是看见电视里和台上开心的大东他的这些辛酸和痛苦又有多少人知道呢？他总是把微笑带给我们把快乐带给我们所有的辛酸和痛苦都一个人扛着记得他对阿扣说过一句话绝对不要因为工作的辛苦而去掉一滴眼泪因为这是你的选择！这句话也许是大东不经意间说的却被阿扣深深的记在了心里大东的确就是这样的人即使工作再累再辛苦他也不会去掉一滴眼泪因为他知道这是他的选择我喜欢大东比起台上的他我更喜欢台下的他我喜欢这样的大东我在他身上看到了一个男人的责任看到了他的坚强和勇气.

小吉LALA

嚇曾ERIKA

2009-06-10T10:14:00.005+08:00

秦晚如常BOOK左做FACIAL，聽住跌落海D歌，懒開心甘去到美容師度。

一坐低，ERIKA已经话，我知道你最近迷上左個明星哦，我直認不違：系！仲要系件细我好多既“靓”仔，一定系GLORIA講既啦！！ERIKA即时笑到收唔到聲（但未驚住）。

瞓低開始作FACIAL，ERIKA一如過往播D好轻柔既音樂等我地可以RELAX下。。。但唔够三分鍾，我就觉得周身唔自在，跟住就硬住頭皮問：呃，可唔可以聽番我自己手提D歌啊？ “當然可以啦。。。”Erika回應我。于是乎，我就极度興奋地開左我既IPHONE音樂，正确地说：7成都系飛落海既歌。。。仲要開得颇大聲下。。。（我覺得巨開始驚）

跟住我就滔滔不绝地同Erika講左好多關于巨地既野，尤其系大東弟弟（其实我都系初哥），Erika唔知會唔會覺得眼瞓。。。平时一到按摩面部就已经瞓到流口水既我，秦晚竟然一D睡意都無，到我话比巨知，我呢個多星期捱過两個通宵及晚晚都3-4點先瞓后，我即刻感受到巨驚嚇既程度了！！！

Erika：你唔講我真系唔觉得你精神差哦，你。。。真系無野吗？你甘样。。唔系好得哦。。。顶得住既啦？？
我：我？梗系無事啦，仲精神過瞓覺.....哈哈~~~
Erika: .................（無语中）

Poor Erika，比我烦左成晚，又要强逼聽我講大東同巨地D歌。。我都覺得有D過份，真系要同巨講聲唔好意思，希望無嚇到巨以后唔同我做FACIAL, 以爲我系癫既!

耐無癫，系甘上下，大家原谅原谅。。。。
（嘿，po多張新HONEY既相先，帥哦）

2009-06-09T14:28:00.006+08:00

秦晚睇到之前大東上大小爱吃的節目，宣傳“翻滚吧蛋炒饭”的时候。。。

笑到我飚晒眼水，胃抽筋甘制！！

我一定要同大家分享下先得！

http://www.tudou.com/programs/view/cIb1W0xR4YY/

我同事系公司笑到喷麵~~~~
可憐阿四公司BLOCK左，睇唔到咯，哈哈。。。。

炒干左蛋，要再炒！
抛锅抛到周地都系！
扮揦型同块抹台布做對手戲！
同唐禹治玩机械人合軆！！
跳老舞，一聽到音乐就突然起舞跳CHA CHA，之前仲系猛话“不要跳”，唐禹治说：不用理他，你们放音乐就好！
果然，一放巨就自動上身不停跳。。。>.< >.<

小S没说错，他真的活在自己的世界！
外表不羈，内里原来甘天真，甚至有D傻既東東，
叫我如何不爱他呢又？！

病情UPDATE

2009-06-07T14:33:00.004+08:00

100% 中毒了!!!

好不容易先抽離JERRY的瘋狂日子,又讓沒人性的朋友再一次推下”火坑”.
這次還是個年紀小很多的火坑!!!

大家不要嘲笑我,自從JERRY後,大概已經習慣這種嘲笑了吧,沒關係, 難得幾年一個輪回,哈.

用了一天一夜的時間褒曬花樣少年少女, 可想而知我的毅力有多大, 因為大東戲份並不多,嚴格來講系一個大咖, 角色雖然還算鮮明, 但有點丑角的味道, 帶點誇張的演釋……最搞笑系當他懷疑自己是GAY的時候, 大聲向ELLA告白的時候, 傻得來又幾真…..但後來又突然地喜歡上了JULIA倒是真的讓我莫名其妙, 咩時候兩人有通訊? 幾時開始有好感的?為了乜事突然兩人會撻著?….好象都沒有啥交代, 而且是JULIA回美國後發生的事情….這點交代得很敷衍, 當然咯, 他不是主角, 沒辦法, 也沒答案. 但整套戲, 他還是很跳脫的, 有時候我覺得甚至比男主角尊尊來得更投入, 並不是尊做得不好, 但看得出沒有JIRO那麼放, 估計大概是性格所致, 尊一向於人穩重點的感覺, JIRO就比較搞事比較不安本份比較妖的外表．．．．呵呵．

今朝７點多先瞓落床，下午２點多已經醒了，奇怪，怎麼一點都不困，早上還是自己逼自己睡的，因為全身酸痛，油光滿面的樣子，真的很恐怖！！！

我那怕我不死的朋友們，還＂處心積慮＂地把足版的愛宅給我看，可能我平時實在太強，怕我未死夠！！！唉．．．又要開始狂番褒電視劇的日子了（放埋老公飛機）！

對的，好懷念ＭＡＲＳ，想念荘俊男，掛住大東．．．．．
再一次開始＂臨老入花叢＂的日子吧～～～～

情陷大東/MARS？？

2009-06-05T17:26:00.009+08:00

6月4日夜晚9點半 - 6月5日凌晨大约四點：從第四集褒到第十集：爱就宅一起
瞓上床已是淩晨的4點半起碼，合埋眼全部系汪東城- 大鍋！！

之前第一集到三集都系斷斷續續地褒下又停下。。。點知到左第四，五集左右，隐隐约约開始覺得被大東吸引住了！呢條嫩口靓仔做正经戲份既時候，又真系頗吸引；可能系因為角色本身就討好：一個英俊的當紅偶像大明星，細心又專一又長情。。。便個女人唔死啊？！

雖然無流1果時對阿旭的震撼，但呢次都算近期好嚴重的了，個腦有大半都系大東弟弟既靚仔樣。。。呵呵，我又短期中毒咯，中左6成到啦(更正:已经升级到接近8成!!!)；呢頭話完阿四，果頭自己又賴野~~~~不過巨又真系頗SWEET架（雖然無可否認始終脂粉味重左D）。

分唔清究竟系中意大東還是MARS，啊呀，不管啦。。。
開始要多D留意巨新聞~~~

好險的一晚

2009-05-23T17:58:00.001+08:00

琴晚同班朋友食完晚飯,坐巴士番屋企, 插左個電話系後裙袋….落車時顧住拎手袋同另一袋野, 個電話跌左出來都吾知; 前腳一落車, 後腳立即發現賴野, 架巴士已經絕塵而去….好彩手上仲有部黑梅, 同車的GLORIA亦馬上致電我手提, 第一次無人聽(好彩電話無熄到,證明未有人羅)….架10號巴士總站系北角碼頭, 我立即飛的士去碼頭….上車場前再打多次電話, 今次有人聽, 系對韓國學生妹, 之前坐系我地隔離….巨話已經系北角地鐵站出口, 叫我而家去拎番就得….

5分鐘後我到達, 心情立即開朗番; 真系嚇到瀨尿甘制, 好好彩我遇到好人; 我不停講多謝, 韓國妹妹都好NICE, 想話多謝巨地, 但對方連電話都不肯留, 叫我小心D就走了.

夜晚無拉拉發訊息比人又發錯曬號碼, 張冠李戴地亂曬籠…..好邪!

真系要多謝好心人, 吾好彩既話人地羅左個IPHONE總吾即時熄機換卡啊…….

My bad day & lucky day~~~~~

COOKIES FROM JAPAN (Naai Naai)

2009-05-12T18:21:00.005+08:00

奶奶每次去日本都會带手信比我地，今次系得意COOKIES，我果份系四葉草，上面有只小甲蟲，好鬼死CUTE。

猫猫BURGER系同Charlotte & Gloria換的，都系唔舍得食咯~~~

最后都系分晒比女同事們，大家都好雀躍，呵呵，结果我就無得吃囖，不過無所谓啦，借花敬佛，大家HAPPY~~~

多谢奶奶啊^ ^

呃完總要被人“凶”

2009-05-08T09:37:00.001+08:00

這個到底是什麼世界，問人借錢還要“老奉”不得止，結果倒反而變成我的錯！
不過也好，讓我清清楚楚真真確確地看清楚到底周圍誰是朋友誰是敵人；還好，還有班老好朋友支持，有時候精神的力量大於一切；

一頓愉快的晚餐，讓我不快全消（起碼消了一半）；全都發洩了；
人沒有十全十美，我也有很多缺點，但，我從來不會有心去害人去累人去騙人，這種事情我做不出，大概是我沒用囖！

慶倖的是：我依然有班真誠的朋友在身邊，LUCKY ME~~~~

仍然相信生活是美好的，人性是善良的，我大概 – 還是會再被騙的~~~~哈哈！！

心寒

2009-04-30T12:03:00.000+08:00

是我太愚蠢太容易相信人，
還是你真的是別人所說的是個不能夠相信的人？
但我這個白癡卻相信了你說的話；
我只知道事實是太明顯地擺在面前，
我是被騙了，呵呵~~~

我只是覺得心寒，
原來我一直都太相信周圍的人，
一直都以為只要自己真心對人，別人都一定會同樣對待你；
但，此刻才發覺自己是多麼的愚蠢，
多麼的介意被愚弄的感覺，
活了大半輩子，還是不太瞭解為何世上真的有這些人種存在，
傷害別人真的能夠令自己更開心更愉快，
而一點內疚感都不存在嗎？

抱歉，我實在不能理解這種心思和態度，
如果，如果當初不那麼相信人，結果會否不是這樣；
如果不是自己一相情願地認為對人真誠就可以，
也不至於現在自己要受罪！

對一個人失望，大概不能用不開心來形容了，
因為已經涵蓋不到所有的種種。

難道我以後真的要做個偵探家，
每事每人都不能夠盡信？
這樣的生活會否很悲？？

做一個真心真意的人真的那麼難嗎？！

2009-04-23T12:49:00.002+08:00

曾經看過一套電影，戲裡的男主角問他的下人：“人活著最辛苦是啥？是吃飯！揾食揾食。。。就系世界上最辛苦的事”

很同意這句話
愛情再高尚都要吃飯
事業再得意也要吃飯
富翁們要吃飯
窮人們要吃飯
動物們都要吃飯
植物都要吸收陽光，水分和養分來維持生命力；
不吃飯的大概只有死人了吧

有時候真的不知道每天重複的生活到底意義何在；
大概這就是生活，
一個我不能改變的現實生活；

有很多事情想做，但是老做不到；
有很多朋友想見，但是老約不齊；
有很多計畫想實行，但是老光說不做；

勞勞碌碌就這樣一生，人到底為了什麽而生存；
得出的結論就是兩個字：吃飯！
所以還是好好享受每天的生活，
因為每頓可口或者粗糙的飯，
都是我們走下去的動力。

再睇流1？

2009-04-20T12:17:00.002+08:00

呢兩晚見到亞視晚晚都播出流1既片斷，吾系又重播阿？！果然比我古中，好似系27號晚7點時段開始會重播呢套當年令我為之瘋狂的臺灣偶像劇老大哥！-流星花園.1

而加想返起當年的追星魄力，真系呢一世都未必會再有；雖然睇過不下於20次！對，你無睇錯，系20次！！！要我數比你聽？吾好咯，費事大家真系以為我要去青山霸定個位先。。。。我承認當年系癲倒甘程度，起碼對我自己黎講系，因為自己不撓都好“鄙視”果D追星族，覺得巨地浪費時間浪費精力，實在太無精神寄託太得閒去做呢樣野。。。估吾到報應系自己身上。。。抵死咯!

仲記得第一次睇流1時，系GLORIA三催四請，威逼利誘的“淫威”之下，先免為其難開來睇, 有便個可以估計到一睇就不可收拾，直到而加，雖然已經無瘋狂愛“道明寺”的感覺，但記憶依然歷久常新，仍然系好難忘懷，可能呢一世都會記得呢一段，呢個改變我對偶像睇法，改變我生活的一個奇跡。

仲有呢班因為流1而認識既好朋友，有左你地我可以忘記其他的不快（當初的我正與前男友分手中），有你地既真誠幫我行過好多酸痛既日子，你地未必知道，但我永遠系心中，多謝曬~~~甘多位廖太，甘多位HONEY~~~~~

有D衝動又想開返來睇添~~~哇哈哈~~~

澳門其他相

2009-04-15T15:02:00.004+08:00

澳門.5（第二天）

2009-04-15T14:27:00.008+08:00

休息佐成晚，好精神，張床真系幾舒服，D被又好輕好軟。。。

退完房，一於出去揾食。
行過去大馬路，隨便行，見到想食就入。

不如就試下呢間標榜正宗北京人開既“北京水餃”阿，有我老公至愛既韭菜豬肉水餃，我叫佐個套餐，有：麻醬雞絲手打面一小碗，一碗上湯，再有5粒水餃，都系MOP14甘大把，抵到爛！！另外叫佐碟韭菜水餃比我HONEY拉梗系，嘿嘿，我又再叫佐碟煎鍋貼，兩杯豆漿（MOP3/杯），忍吾住嘛~~~最後就食到兩個都攬住個肚，飽到甘都只系幾十蚊，好飽。味道就：好麻麻！

留番些少肚去食最後一站：大堂街秘方炸雞，見雜誌介紹：當地人話好食過KFC哦！好，我就要會一會你先得。去到見到入面多數都系遊客，店鋪細細，而且價錢並不便宜。一個雞腿餐包括：雞腿，雞翅，連皮的薯條（正確來講系薯塊，系一大特色），汽水或者涼茶，MOP45，系，你無睇錯，系有涼茶，因為店家怕大家覺得熱氣所以有甘既提供，都算貼心既。仲有其他套餐選擇，有興趣的可以問我，我有地址。
我覺得好味過KFC系因為巨醃制的味道，由出面皮到入面雞肉都有味，而且系我喜歡的味道，香口，皮脆，有肉汁。。。薯仔連皮的薯块都不错。

飽完就梗系要消化架，趁仲有時間不如去行下古跡。
搭下午五點三的船回香港，短短行程總算叫豐富。

澳門.4

2009-04-15T12:55:00.007+08:00

系酒店稍事休息，出發去吃飯，買手信。

酒店雖然系內港碼頭，但好近新馬路，轉個彎就由清靜地方入到市中心了，澳門似乎都離不開呢個中心區域。

人頭湧湧，買咩？明記-米系買牛雜咯，呢間車仔檔系各大旅遊書中出現過，所以幾乎個個香港人經過呢出都來朝聖下，老公特別中意食牛雜，所以都無一倖免地加入排隊行列。。。查實味道不太差，但並不是好到要甘排隊，我地都覺得偏淡了D，可能人太多，牛雜未入曬味已經要賣比人，比起北角新光戲院隔離間牛雜差幾皮咯，條路太細人太多，仲要比車行，終於無影相，逼餐蒙。

食完牛雜一路行入去，見到陶陶居火鍋，佛笑樓葡菜，好多手信店，當然我都系钜記的FANS，順手買佐D番HK，叫做黎過澳門嘛~~~

8點幾仲未吃正餐，終於行到一間叫做“譚家魚翅”小飯店，睇來店家系做魚翅批發生意的，所以價錢也很合理，餐牌上面有很多選擇：有鮑魚，有魚翅煲，有官燕，有海參，有瑤柱等等。。。老公叫佐個魚翅撈飯 MOP38/份，飯分開上，跟住自己再撈入；我就叫佐黃燜大排翅MOP48，再加多個翅湯菜心MOP18。。。如果人多可以叫聚寶佛跳牆（有鮑魚，有大排翅）MOP98/MOP198 兩個SIZE選擇，我見隔離台既大陸遊客，共六個人，叫佐成台吾同既翅同鮑魚等，哇，好和味阿，而價錢一D都吾算貴，下次去澳門我都會再幫襯。

捞完飯后

我既大排翅（都有三四排架，虽然不太大）

呢間野系澳門：紅窗門街。

行多陣街我地就番酒店休息，因为阿婆我已經覺得好攰~~~

澳門.3 - Hotel

2009-04-15T12:22:00.007+08:00

講起酒店其實有段古，本來我地可以住威尼斯人，因為有朋友比佐D COUPON我，但古吾到公眾假期貴到飛起，成三千幾一間房，發神經，我自己要再貼成千幾蚊，我真系懶得同你癲，反正COUPON未過期，留番下次閑日用。

臨時臨急出發前一晚先打電話比我既公司AGENT，本來我都打定輸數訂吾到又平又靚的酒店了，始終幾日假期，D人一早訂曬之余，房價仲要貴到癡線。。。巨就真犀利，吾使三個字就叫澳門同行幫我班到間酒店，仲要系不太差的五星酒店，系澳門內港碼頭附近新開的叫：PONTE16，十六浦SOFITEL，價錢？呵呵，都系HKD900咋，甘既日子，呢個價錢算好平架啦。。。

hotel outlook

去到CHECKIN，前臺姐姐話已經無曬CITYVIEW房（我訂的），幫我UPGRADE去HARBOURVIEW，我話：梗好啦！

入到房，原來都不錯，間房中規中矩，浴室內有浴缸，有企缸，個座廁特意隔開，都頗人性化的設計，用既野都系L’OCCITANE的；間房系10樓，望落去剛好系6樓的泳池，窗外就系內港，景觀都算開揚，嘿，900蚊NET想點哦，大哥大姐。

澳門.2

2009-04-15T11:43:00.005+08:00

出到市區大概2點半，第一時間醫肚先，去到中央廣場（噴水池），有蛋撻就食咯，可能餓既關係，又不太差嘖。。。MOP7/個，同老公一人一個瑯下個肚先，隔離系義順，可惜人實在太多本大小姐等吾切，閃~~

果兩日遊客多到嚇死人，香港人內地同胞，臺灣人，鬼佬。。。真系好噓撼！（間間賭場90%系內地遊客，之所以我。。。吾賭咯），天氣算好，雖然熱D，總好過落雨擔遮甘麻煩呀，睇下我老公個樣，眼都睜吾開，哈哈。。傻佬！

吾理三七二十一，整番個豬扒包先，我同老公由於太餓，都顧吾到其他野，買佐個包（MOP12）就系甘趙。。。第一口就已經覺得好麻麻，吃到中段簡直覺得差，豬扒太薄，吾夠熱，個包又太硬。。。還好仲有杯話梅青檸柑橘水（MOP12）頂得下，好彩無貪心只買佐一個試味，吾系我一定掉去垃圾桶。。。

行過一格街口左右，發現前面有堆人系間賣小食既鋪頭前，EE。。。原來又有賣豬扒包哦（MOP14），再來，誰怕誰，今次雖然等佐少少時間，不過都不至於太失望，豬扒厚佐好多，咬落去都叫有JIUCY，豬扒仲帶骨（本人覺得香D），竟然令我意想不到的是“鹽酥雞”（MOP10），一小包大概有7-8粒左右，新鮮炸出來，味道適中，香口，值得下次再試。

系呢間鋪頭旁邊的小巷內有家賣胡椒餅的，哇哇哇，系我恨佐好耐想來澳門食既野。。。可惜當我見到排隊的人，當堂打退堂鼓，起碼30人。。店家每次出爐都只系得8個10個餅，我要等到幾時阿？？！算罷了，仲要趕住去酒店CHECKIN，走罷了~~~下次來食你，睇你走得去邊！

11-12.4 澳門之旅 .1

2009-04-15T11:07:00.005+08:00

復活節假期同老公去佐澳門玩，都有成起碼7-8年無去過咯，雖然甘近，但次次都好似要滴起心肝去先得，可能因為坐船的關係，吾同去深圳，隨時坐火車上，船票始終要相就時間，如果系假期就更難買，分分鐘要坐貴飛。。。好彩今次去程一早就買定。

金光飛航船內

11號上午坐11點半COTAI船運的金光飛航由香港港澳碼頭出發，到澳門TAIPA（中文叫TUM ZAI）碼頭，呢個系新碼頭，無港澳甘多人多車，個機場原來就系呢個新碼頭隔離，近到我可以SAY HI。。。呵呵，澳門好細呢！

坐威尼斯人的SHUTTLE可以直到威尼斯人酒店（4分鐘），系入面逛佐少少時間，本來想睇ZAIA，不過下午3點45分先開始，而且查過好些既位置都無了，所以都系放棄，話曬都成390張飛。。。

威尼斯人又真的算大，雖然豪華，但我始終覺得有點兒夾硬堆砌出來既感覺，有D融入吾到，不過賭場我就比較喜歡呢度既，樓底高而且光猛，地方又夠大。逛佐一陣，就坐SHUTTLE去金莎。。。。其實目的系想出市區。

其实我地主要行程系周圍行下，賭錢我無興趣，拉拉聲出去市區行下掃下街好過。

懒精复活

2009-04-09T18:45:00.003+08:00

已經懒了2個多月的我终於趁呢個复活節假期前一晚复活了！

放完新年假到而加，都似乎未停過忙工作，忙見朋友，就系吾見来呢度寫多少字！
呢排發生好多事，原来好多事真的不是必然的；有開心有沮喪，有喜的也有悲的；我份人零舍多愁善感，睇苦情戲都喊得一大餐，仲要好凄惨果D。

呢幾個星期晚晚起码超過8點先放工，简直身心疲累！連做按摩都無用，日日好似比人打左身甘酸痛，哎，仲要维持多久呢？不過，比较起已經失業的朋友来説，我甘樣呻又可能不太好。。所以，而加日日都提醒自己，有工作已是幸運的一群，所以做好自己罷了。出面個景真系。。。好差~~~

老套一句：加油，努力！

聖誕曲奇（遲左少少）

2009-01-03T09:45:00.004+08:00

好友兼我地未來既整餅專家MARINDA系聖誕前已經親身做左新鮮曲奇餅比我地班朋友，但聖誕前個個都忙，搞搞下就變成新年禮物咯，哈哈。。。

由GLORIA手中接過後，第一時間羅出來睇睇，哇哇哇，真系一個字：PRO．！！
有名既絲帶貼紙不在話下，產品既外表根本同出面買既無咩分別，吾講以為系買添。。。

好想知道有沒有過期日，下次如果表明限期日仲正。。。。
吾捨得食，但又怕變ＬＵＭ。。。食之前影低相先！嘿嘿。

多謝曬，ＭＡＲＩＮＤＡ。。。。

有興趣的朋友可以通過呢個EMAIL訂購:
marinda_cookie@yahoo.com.hk

"HIGH TEA” 哈哈

2009-01-02T09:58:00.006+08:00

1月1日元旦，得果一日放假，中午起身已經接近LUNCH時間，老媽子放我飛機話飲茶又吾飲，系我一輪依依俄俄後終於屈服同我去下午茶。

醒起仲有張PIZZAHUT既COUPON未用，索性去來個下午茶，兩人坐巴士去到康山廣場，到達時已見有人排隊，好彩都吾使3個字就坐低，已經系接近3點，過左差吾多4個字終於有野食。。。。

叫左2個茶餐，價錢都好大眾化：
迷你海鮮批撒：熱辣上臺，吾知系米肚餓問題，覺得味道不錯，跟餐既飲品另加HKD10要左杯熱姜蜜比阿媽，系呢個涼涼地既天氣確實系不錯既選擇。

另一個英式TEA SET：下層系四件的的式式既三文治，有腸仔，火雞片同煙熏三文魚片，多士烘左底，雖然都算香口，但我就嫌硬左D了；上層系甜品：士多啤梨+蜜桃片四竄，淋左朱古力漿系面，仲有兩件超細既芝士餅，阿媽話超甜我一啖都無興趣試，只吃左兩片士多啤梨，送兩杯飲品，我要左兩罐可樂，飲吾曬，結果都要拎罐返屋企。

埋單都系HKD127，除埋張HKD100 coupon，實質比左HKD30吾夠，又食又拎抵到爛啦。

順便去JUSCO超市行下，未夠1個鐘就已經打道回府，實在太多人太嘈，頭都暈埋。。。。放棄！

SHOPPING“三寶”！！

2008-12-11T10:59:00.004+08:00

秦晚11條女系銅鑼灣“潮樓”生日聚餐，共有三位壽星。。。我好似聖誕老婆婆甘，手挽兩袋禮物進場，然後開始“分贓”派生日的，同其他聖誕小禮物比朋友。。。禮物不貴，但派得好開心。

飯後大家各自歸家，我就去SOGO行下，點知甘就撞正奶奶（JULIE）同巨個寶貝女JANIS啦，於是乎三個又一起柴娃娃甘去SHOPPING咯。系B仔處本來想大家分開行下，不過我地大概實在太癡纏了，系另一個位置賣衫的又撞到（好痛~~，哈哈）。。。既然甘有緣，索性一齊啦。

三個女人系人地COUNTER嘻嘻哈哈，鬼殺甘“嘈”，本身靜英英既地方（當時已經10點了），煞時間熱鬧上來。。。奶奶率先試衫，不過並不是全部自己著哦，而系幫女女試埋呢，嘿嘿，幾鬼馬！跟住我又忍吾住試埋一份，哇哇哇，純CASHMERE衫半價，再加埋奶奶VIP的額外95折扣，擾攘下幫媽媽挑選左件紫色系的冷衫，我自己反而買黑色的，無他既，貪巨容易配襯。。。衣服質地真系不錯，適逢減價，抵到爛啦，姊妹，吾買等幾時。我買兩件，奶奶同JANIS三件，實在慳返吾少。

瘋瘋癲癲的我系鋪頭見到樣野好適合阿四去哈爾濱著的- 羊毛LEGGING，應該會好暖，不過遇到暖氣就一定死梗（又痕又熱），如果巨著左一定打長途返來鬧爆我。。。系我地選購的同時，無端端吸引左幾個客入來，D人都系人來瘋的，見有人買就怕執輸甘。。。終於攪到個開單妹妹仔失曬魂甘，又跌紙又跌筆。。。

最好笑系臨走時，個SALES姐姐話：歡迎下次再來啦！，
我話：下次只怕你會扮吾認識我地哦，怕我地煩你！
你地古下SALES姐姐答咩？
巨話：點會阿，一定認得你地拉- 三寶！
我地：……………………..

撞鬼，甘我地就變成以下各樣了：
我：醸青椒
奶奶：醸矮瓜
JANIS：醸豆腐

不過真系好好玩，買到心頭好又娛樂性豐富，奶奶，下次再去囖！

2008-12-08T13:08:00.001+08:00

金融海嘯的威力，終於一步步甘逼近HK。
日日幾乎都有大公司裁員的消息，今日中午終於輪到我的好友。。。突然OFFLINE，我總以為巨下午放假添，因為巨聽日生日。

隔左半個鐘頭到，收到巨電話，第一句就話：�你吾好話我突然OFF左，等你聽完我講就吾會話我了，我老闆頭先同我講，巨今日收到公司通知LASTDAY哦。。。至於我，就未知道安排住。。。�
我：��..唉，又來呀？。。。�

好無奈，可以做既除左一D好行既安慰說話，真系吾知講咩好，雖然大家可能都有呢個心理準備，老實講，心情DOWN仲要扮無事絕對無可能！

惟有希望朋友能夠一切都安全渡過，有個合理既安排，祝你好運啊，貓！

久違的私房菜

2008-12-03T09:25:00.007+08:00

好耐好耐都無去既私房菜，由巨地未轉架步（原址銅鑼灣）到而加既灣仔大道東，都起碼有成年幾時間，秦晚終於JOIN埋CONNIE同GLORIA班朋友來個朋友的朋友的聚餐，哈哈，效果出奇地好，氣氛不錯，大家都好隨意傾計，開心的一餐。

之前已經挑選左頭盤，湯同主菜等等。。。“吩咐”朋友GLORIA摣機影相同大家分享下。。。。主人家提供紅白兩酒，我今次選白酒，因為主菜系魚。

Duck Liver with Apple

新鮮到我連吃兩個的麵包

Shrimp Bisque(加入大閘蟹膏)

生拆焗釀大閘蟹蓋（好食到想ENCORE）

Sorbert(石榴味)

主菜：Seabass Provencase

甜品：Apple Crumble

總有每次的“主角”，主人家PIANN的兩隻狗狗PR，大哥叫BOSS，細妹叫MOON，成餐飯一有空檔就捉巨兩個來玩，次次見到都好又衝動想自己養番只，實在太可愛了；又乖巧又得意，見到陌生人都不太會吠的狗狗零舍多人爭住抱，過足癮！

連一向怕狗的CONNIE都已經演變成愛狗之人，夠膽摸同抱巨地（會否仍然怕其他狗狗呢，呵呵）。

由7點半開波食到接近11點走人，寫意的一餐，盛惠每位HKD450，貴吾貴？見仁見智拉，我就覺得食物味道好就已經值得了。

~轉變~~

2008-11-29T15:10:00.000+08:00

突然覺得將會有事發生，吾知道系咩，不過一定會系個大轉變。。。。系好系壞無人知道；
或者系我自己想多了？！
順其自然，靜觀其變~~~~

少女情懷總是詩！

2008-11-29T14:57:00.002+08:00

同事DAPYIA好後生，後生到我有D妒忌，哈哈，20出頭的小姑娘好可愛，不過做野卻又快手快腳，講一次幾乎就明白，夠醒目，岩曬我河車。。。
前兩日著件兔仔冷衫番來，夾硬捉住巨影呢張相，自己無得著，影下都好嘛；年輕真無敵！打死我都無甘既膽量，大姐，咩年紀阿你！！

望下好咯~~~~（巨個樣好吾願意咯，嘿嘿）

聖誕來了嗎？？

2008-11-17T09:46:00.003+08:00

前幾晚有事經過銅鑼灣時代廣場，見到已經有聖誕裝飾系度準備梗，D工人好努力系度油白油，務求營造一個“白色”聖誕。吾知系咩主題，只見到白色一片的樹丫同隻眼甘，一D都吾靚。。。可能完工後會好好多掛。

大佬，真系有點洩氣，12月都來梗，都仲系屋企著梗吊帶背心短褲睡衣，一D寒意都無！今年聖誕想必都系得個熱字，真系“噔”D賣衫既慘，厚少少既衫都幾難出手，除非要去外地過咯，甘都會添置幾件既，否則就都系買來擺，仲要系根本無地方擺既房。。。唉。

好難想像根本沒有冬天的日子，甘樣生活無曬隱，系哇！買衫既藉口又少著，女人吾使錢點得架，哈哈哈~~~~~

大家古下聖誕會著短袖定長袖呢？？

又有新玩具啦，哇哈哈

2008-10-23T11:38:00.006+08:00

前两晚终于滴起心肝，跑去JUSCO买佐部新迷你 notebook，可以吾使下下罗公司果部来来去去公司同屋企，又重又伦尽。
就系呢部ACER ASPIRE ONE MINI，裝採用 Intel Atom 處理器、作業系統是 XP Home並有 Acer 自己開發的使用者介面。其他規格包括：160GB storage、1GB DDR2；802।11b/g WiFi、8.9寸水晶螢幕。。。。

我买既系珍珠白版本，另外還提供鮮藍色，以及粉紅與棕色版本。
吾好既地方就系真系几晒精神，因为机细字就更细，普通系屋企玩下就得，公司绝对吾岩用拉，不过HKD3988，送4G USB，送我额外MOUSE同蓝牙USB，另加JUSCO礼券100大元，仲想点啊？！

2008-10-12T16:43:00.006+08:00

终于忍不住要再换电话，个死人IPHONE，势死打入冷宫！便有电话可以无的FORWARD信息架大佬，一个吾该将我成个OUTLOOK入面既email add book入晒个电话度，成千个，部机慢到出汁。。。成部电话唯一好处就系上网真系快，可以上MEEBO，EBUDDY都好快，可以用手写，唉，可能我甘既料子实在吾适合用D甘高科技既产品，放弃罢了！

左拣右拣之下都系选择番三星电话，贪巨功能多多，相机可算靓，外型都不失礼街坊，又系粉红色够LADY，F488系我呢期的新机，二個很重要的點：500 萬畫素高階相機和 2008 北京奧運紀念徽, touch银幕。。。。

各位，又睇下我可以玩几耐咯，哈哈！！！

老媽慶生

2008-10-06T12:11:00.006+08:00

查實老媽子正日應該系10月6日，不過要就我地班細既返工放假時間，決定系上星期六晚4號幫巨慶祝。去佐銅鑼灣時代廣場既鴻星，因為有少少COUPON可以用埋巨。

先來每人一個蟹粉小籠包，蟹粉吾腥兼帶鮮甜，正！叫佐個石頭魚兩吃，一味椒鹽魚骨，一味就奶白炒，賣相實在麻麻，椒鹽就算入味，分量少得可憐，甘就成300；再加個金牌酒釀脆皮鴨，鴨皮都頗脆，肉質有D軔，不過鴨底伴以桂花酒，酒味幾香；另一味XO醬炒蝦球，我就略嫌淡佐D，無咩蝦味，得少少XO味，敗筆！鮮枝竹菌菇煲，清清地不過不失；最好味道反而系蝦醬爆生菜石鍋，蝦醬惹香，生菜鮮甜，好送飯；

部長知道媽媽生日就送佐四個拳頭甘大既壽包我地食，入面有成個咸蛋黃+好多蓮蓉，“好”甜的我好中意，不過就勒令媽媽只能食半個蛋黃，始終老人家吾可以“放肆”呢方面野。

埋單880，老公比錢，普普通通拉，如果吾系有COUPON我真系吾會去，媽媽話吃飯系其次，心意最梗要，好難得巨彈得最少的一餐飯，算比面咯！

2008-09-26T11:36:00.017+08:00

移居美國多年的四叔同未来婶婶呢幾日来佐香港玩，我當然要盡地主之誼啦，带佐巨地去銅鑼灣的“辣蟹莊”試試。

連埋媽媽同表妹一行五人，叫佐：避风塘辣蟹，焦鹽赖尿蝦皇2只，椒鹽鲜鱿，蒜香骨，黄金脆豆腐，阿叔叫佐支啤酒，2碗白饭。。。就系甘多了，埋單吾便宜，要成$1230 ，原来只蟹都经已$680，赖尿蝦都要$360......

味道说真的，并不太怎样，同一般避风塘东西差不多，蟹肉倒是的确鲜美又厚，说是由越南过来的；印象深刻既反而系赖尿蝦，好大只好多膏，咬落去感覺绝对满足！脆豆腐不過不失，但用筷子夹就好容易散，比较喜欢蒜香骨，酸酸甜甜的，外皮有D脆，好鎹飯。

其他小菜属于大路貨色。。。人多去先得，否则真系唔知道食咩好。不过未来婶婶話味道很好，食得開心就得啦！

又中秋囖！！

2008-09-12T10:37:00.005+08:00

一年容易又中秋！

話甘快又到呢個傳統佳節團聚的時候了。今年特別輕鬆D，因為老公可以自由出入香港拉，吾使我又要計劃便日陪阿媽又要想下便日陪老公；巨而家系探親簽證，屆滿後再續簽，可以系三個月內多次來往HK同內地，巨話甘就可以隨時過來吾使我太辛苦過去哦，算巨拉。。。

14號晚我地會出去做節，預定佐附近果間“新和富”，其實星期三先去過有朋友生日，發現D菜越來越貴，分量又少佐；但阿媽中意，而且又真系吾知道去便度好，甘敏感節日去便都多人，臨時也一定無位，多一事不如少一事。。。表妹都會過來食飯，希望大家都可以開心團聚，始終系個開心的節日。。。

前兩日行過紙扎鋪，見到有手工做的白兔燈籠，突然鉤起小時候點燈籠的回憶，今年都想買番個玩下，雖然一把年紀，大家吾好笑我。。嘿嘿~~~~

中秋節快樂啊各位！！！

La Maison du Chocolat

2008-08-28T10:07:00.004+08:00

呢個就系我近期至愛既朱古力店：La Maison du Chocolat金鐘店(HK 第一間）的舖面(Japan got few shops already, 有D总有coffee shop添，好好生意），嘿嘿，成間鋪我地幫巨地做，系米幾靚呢。。。味道當然系有返甘上下拉，好呢味既姊妹有時間去幫襯下，你一定會喜愛的。

除左朱古力，總有D糖果同近期好HIT既Macaroon, 第一次接觸呢樣野都系呢度，一試就中意了，自己覺得味道不太甜，的的色色甘，crispy outside, 入面軟軟地，我記得有7款味道。。。極力推介。當然價錢都吾便宜，店入面普通一粒都要成$22元或以上，抵吾抵就好似乎喜愛的程度了，見仁見智拉。

因為都系飛機新鮮運到既關係，所以每款其實保存期都吾長，買返來大概2-3日到一定要食曬；當初幫巨做個凍櫃時真系頭都大埋，個landlord又限制多多，總之就麻煩！來梗ELEMENT都會再開，九龍既朋友一定要去捧場。

朱古力應該有得試食添。。。（macaroon好似無）。

try try la, really not bad gar

又有曲奇食啦

2008-08-26T11:27:00.002+08:00

朋友兼10幾年舊同事美蓮達好有心思，閒時中意系屋企整返幾味，中菜，西點范範掂。

自從食過巨整既麥皮曲奇餅後（上次印象深刻的系有巨自家包裝兼印上巨名既絲帶），已經同你再落ORDER話想要純朱古力味道加NUTS既品種，嘿嘿，今日終於有得食啦。。。抵贊！

薄薄的一塊好松化，醇厚朱古力味，加上香噴噴牛油同分布均勻的杏仁片，並不太甜，正！比同事試過後都大贊。。。

多謝曬你呀，美蓮達~~~~

（以後又機會我想試蛋糕，不過你一定要收錢的，吾可以好似今次甘了）

我的選擇

2008-08-26T00:23:00.002+08:00

結婚時，好多人問我：點解會嫁比我老公？一個上海男人？巨又吾夠你賺得多錢（錢系巨地眼中確實地擺系第一位），又吾可以日日陪住你，你又要香港深圳兩邊走。。。？諸如此類的問題，好多；我當然明白其他無出聲的朋友其實都會有呢個想法，只不過無表達出來而已。

認識我老公4年幾，結左婚都已經半年了，時間實在過得快。。。呢段時間我地當然有爭吵，嚴重的可以大家都不理對方一段時間，我想正常夫婦都會有，所以每次都肆無忌憚地發巨脾氣，就算我錯都要巨道歉來TUM我。。。講真有時候我都覺得自己有點。。。過分！不過女人如我，當然還是內疚還內疚，態度就依舊咯！

每次返到深圳既家，巨會幫我羅拖鞋，倒水，然後比埋我睇電視既眼睛我，而我就系甘成條死鱔甘攤系處！我古系男人見到都覺得後悔娶左我，哈哈！婚姻，有女人選擇錢行頭，不止要夠用，最好系多多多都用吾曬，便個女人吾想要個有錢有型有對自己好既男人做老公，但邊各可以保證巨一定會對你好；如果要我選個賺好多錢不過比你少少，又令自己感情痛苦既男人,我情願選個賺10元比我9元的來得實際。

最近我地似乎越來越知道點樣遷就對方，不過初結婚時候的磨合期還是存在的，不過我相信我地會克服好多困難，好好甘過生活，過日子。我只希望平淡是福，我應該好有福氣，因為我好肥咯（哈哈）~~~~~

COOKIES, YEAH~~~~

2008-07-18T09:47:00.007+08:00

昨晚同好友阿貓系九龍灣POKKA食飯，三個女人嘰嘰喳喳甘HEE左個幾鐘頭，就已經買單，並吾系散水哦，而系又去“燒銀紙”咯。

席間，朋友比左盒自己整既愛心COOKIES我，因為之前系巨BLOG度見到流口水，朋友最近迷上整COOKIES比D狗狗，當然都會整比人食啦，個個星期都會整番幾件嘆下。。。又系一個典型既愛狗之人，好老婆，好媽媽~~~秦晚收到立即試左拉，我覺得OK哦，不過可以繼續努力，整CAKE比我食阿，我等你架，貓。

一行三人行去睇女人既摯愛：首飾！由六福，ＪＵＳＴＧＯＬＤ一路殺去二期地下的ＰＮ，哈哈，吾買吾買終於又要掏銀包出來，好彩我地都好克制地只系買左少少，真正需要的先買啦。。。哈哈，不過首飾既野有無話真正需要架，藉口來既嘖，大家系女人，明拉，嘿嘿！

本來心情比客弄至極差的我，食完飯買完野已經開心番曬咯，耶~~~~ 輕輕鬆松又一晚，GALS，期待下次的相會咯！

一个人的“家”

2008-07-12T14:39:00.003+08:00

话说之前5月份系上海摆完酒后我就同老公番来HK先，老公亦都番深圳继续工作，老妈子就还继续留系上海慢慢玩。。话玩其实都唔算，上海好热，呢排热到成38度，巨情原留系屋企吽，不过有老豆陪伴应该唔会太闷。
甘样就系上海2个月了，到而家都未番来（我变成独守空帏咯）。
好彩我节目都几丰富，基本上日日都有朋友拉出去吃饭，一系就去做facial, 做nail，做body......不过好耐都无妈妈饭吃了，确实有D挂住巨。。。（虽然周末有老公煮饭）
老妈子话番来米又系行街买野煮饭几样野，系上海有老豆照顾咩都唔做不知几好哦。。。好好好，你中意就得啦，年纪都大了，你喜欢点都得。。。只要你开心，做女既唯有比多D钱你使啦，要工作无计，不过有时间又真系要好好陪伴巨地两老，始终人老左，都希望有仔女系身边陪下。。。
人就系甘，系身边时觉得烦，唔系身边就会挂住。。。老土D讲句：珍惜眼前人啦！

熊猫打功夫？

2008-06-30T10:19:00.003+08:00

前2个星期系深圳MIXCITY MALL内既嘉禾戏院，见到同香港同步上画的“功夫熊猫”，好多人排队，几虚憾阿，甘死贵的票（RMB75/张），港币成百甘制，都有甘多人捧场，劲！

门口总有只人版熊猫，不停系度摆功夫的姿势，顺手影左张。。。

我自己就一早系网上面睇过个不是太清晰的预先版，觉得其实都吾系好好笑咯，始终觉得鬼佬拍中国功夫片有点儿。。。那个咯。

睇左一半就已经放弃了，所以都无咩感觉，有时间得闲先再煲埋巨咯，好得闲果只。。。嘿嘿。

倒霉的我，倒霉的LGU990

2008-06-22T15:23:00.002+08:00

星期五夜晚行过3，终于滴起心肝入去renew自己的月费，因为已经到期，又一直无确定要便部新手机的关系，拖了接近2个月了，一直用梗合约期后的贵月费，心想：出埋部机先啦，反正都成年无换过手提了。

千挑万选下，终于决定用呢部LG U990，3独卖的红色电话，拥有500万像素，手写，touche screen等等功能，似乎合晒我要求（虽然还是等梗iphone的出现）。。。

当晚兴致勃勃甘罗番屋企叉电，预备星期六备用，点知道星期六用了大半天左右就无左格电，电话都无讲多句，为左省少少电（因为深圳HOME无叉电器），琴晚10点已经off，果阵总有成三格电保留；到今日中午（星期日）1点多锺，我起身开番部机，谁不知！！！竟然开极都开唔到，无理由架，我明明有熄机，总有几格电哦，点会无battery呢！！！禁到手指都痛，电话依然故我，咩反应都无，可恼也！！！一定系部机有问题，唔使审！

激得我呀，岩买番来唔狗48小时就打柴，有无搅X错，唔怪得个SALES佬叫我，7日后先好“搣”果张透明贴纸啦，根本就系明知故范嘛，当我LULU系吗？！

好，我唔同你吵，唔叫啊二，等我番香港，你就死梗，死人烂橙（3），真系比你呃到透！！

无线上网

2008-04-29T20:47:00.002+08:00

屋企终于装左无线上网，以后可以通屋上网咯，嘿嘿。
因为甘多年来一路都用NETVIGATOR，甘岩又无任何合约绑住，上星期随便打个电话问下有无咩特别优惠，结果我系几个优惠中选择左呢个，因为系公司而加都用NOTEBOOK做野，所以都系无线上网方便我，随时罗本笔记簿番屋企任上~~~~

虽然装左系房，不过我屋企吾大，隔左嘣墙系客厅上都得。。。嘿嘿，新屎坑三日香，呢几日肯定都会番屋企玩囖。

又睇下我玩得几耐~~~~~

朋友的痛

2008-04-28T17:20:00.003+08:00

朋友失恋了，失的是那个我不赞成一齐的男人，一个结了婚，有小朋友的男人，一个需要靠老婆出手相助的男人（生意需要）；对正常人来讲，呢种男人简直系恶魔，不能接近；可惜很多人都系明知故犯，个个都以为对方会为自己改变抛弃糟糠，甚至小朋友。。。

在纠缠左几年后，弄得自己偏体鳞伤，劳民伤财的先肯放手！而对方依然可以一句：我没有阻止你去认识任何一个男人，也从来无比个咩希望你，你何必苦苦相逼，是你自己不走。。。真的他妈的贱人，甘都讲得出口！！如果我系现场一定醒巨两巴先！！！

但系又可以怨个男人咩呢？！朋友又是心甘情愿地跟住人家，自己又要死心塌地，付出感情同金钱（借他周转），点解当初所有朋友讲既说话你都当耳边风呢，你自己又何妨吾系责任重大呢？！究竟我应该话你蠢定系傻好？究竟去安慰你定系闹醒你好？唉。

我知道今次你系无得番转头了，因为打左个没有退路的电话；不过我知道你也已经豁出去了，作为朋友，我支持你，无论你用咩方法，只要可以令你自己舒服开心的，只要不伤人放火的，我就支持你。。。因为我知道呢种痛，无人可以纾解，未经历过的人免谈，因为他们不懂。。。

听到你既声音就好似患有重病，有气无力，不过相信我，只要捱过头三个星期，几多年既感情都可以冷却，其实离不开的只是我们的心魔而已。对呢种两边都不负责的男人，就算你而加做左伤害巨既事，相比起你甘多年既伤痛，也只是冰山一角，不用愧疚！

加油啦，u ar not alone.......!!!

少少失望+寄望

2008-04-28T17:08:00.005+08:00

结婚以来一路都好似无咩结婚的感觉，可能系因为我同老公长期分开两地住，唯一的见面就只有周末那短短的时间，有时候巨要番工见面就更少，除左手上多只戒指多张婚纸外，同拍拖果镇无咩分别。。。

一个人番工放工，同朋友吃下饭，结婚并无改变生活，相反一路还是维持住婚前的自由自在，呢样野究竟系好定吾好，真系吾多知道；但某方面我又似乎蛮享受甘样既生活，另一方面又想有正常的夫妻生活，一齐出门口番工，有人来接我放工，跟住又可以一齐去行街吃饭睇戏。。。呢D睇来很简单甚至乎对某些夫妇来讲沉闷的生活，对我地来讲真系好难得，因为事实我地吾能够甘样正常，起码暂时吾可以。

如果问我希望点样生活，我希望有甘一日，同家人团聚，就算一个城市两个区域，原来都已经系好幸福了，呢个吾知会否系我既奢望呢？！

“食得咸鱼抵得渴”，无得怨囖！

无得走!!!

2008-04-25T19:35:00.002+08:00

今日终于罗埋部新既BB(黑莓)3G电话(之前果部太old version, 去日本用吾到）, 上两个星期又换左部NOTEBOOK, 系2个月内换2部电脑, 今次系我喜欢的白色（个死人VISTA鬼死甘吾好用）.....不过换来的结果就系:以后你去到便都无借口话无得上网, 无电脑, 无黑莓，哈.....

同事话好羡慕我, 想要白色老板就买白色, 话换就换....唉, 有苦自己知咯. 啧系话我放假都要带埋BB, 系随身果只囖....就系因为甘我先要买自己中意既款嘛，否则点对住巨呀？！

算啦,鬼叫人地有求必应, 又比我放甘长假期, 已经算系甘了, 我都系老老实实做番本份好了.

努力拉~~~~~

5-24.5 放婚嫁

2008-04-24T17:57:00.002+08:00

一行朋友明天又去台湾吃吃吃之旅了，我又得个羡慕两个字，无他既，一来无假期二来又行吾开，因为5月份要放成三个星期甘多连埋摆酒（系，你无睇错，系又摆），所以呢排有咩就要做咩，无得拖。。。

老实讲，其实而加好担心放完假番来张台会发生咩事，肯定“打晒风”甘。。。
“风流”梗要付出代价既啦，老兄。离开HK前要交代番工作比个妹妹，我自己都要组织下有几多野。。。

希望到时候样样野都顺顺利利拉。未返上海，已经安排晒有关摆酒既事，个日历密密麻麻写晒booking, 实在太多事要顾及，HK做完又要再ENCORE多次，真攰；不过，妈妈中意热闹，所以希望到时候可以做得好好睇睇，吾好有咩意外已经求神拜佛了；妈妈总话要玩咩抽奖，我又要安排礼物，其他一大堆都要等我番去做，唉。。。呕血！！

等人地做我又吾放心，所以。。。都系自己顶硬上做囖。
唯一希望个结果不太差就好了。

新玩意LG KS20

2008-04-23T16:48:00.004+08:00

最近睇中部手提, 颇为中意, 有齐我需要的基本功能外, 另有windows 6，对我来讲实在越来越有需要，24小时都要standby睇EMAIL，三更半夜电话就响，老板中文输入信息打得超快，一个都未回复，第三个已经来了，所以最好就换部有手写功能的，同巨斗快囖。。。

万一有日吾记得带Blackberry, 都可以用手提顶住先，D老板个个都吾会管你三七二十一地24小时全天候text比你。。。见你无复就会连环追打你。。。。

不过本人始终喜欢颜色鲜艳的折机，奈何而家各大牌子越出越少，部部都系黑麻麻，懒型甘！我呢D甘中意fancy color的人，选择实在太少。

真系吾知，吾出呢部总有咩好介绍？？！

16/9 台北第二日

2007-09-18T18:26:00.000+08:00

朝早已早起身去開會, 眼屎都未抹乾淨!!!

早上一路開到下午5點, 拉拉聲坐的士去鼎泰豐: 叫做個蟹粉小龍包+普通的一籠, 再加個酸辣湯....唔知係米大家都攰既關係, 味道併唔係好受落....匆匆食完, 就已經打道回酒店, 已經無戰鬥力了, 有個同事又要趕8點飛機回港先....唯有....返去酒店休息下先拉.

終於有我第私人時間羅, 得果幾個鐘頭.

夜晚7點出發去士林夜市, 點都要掃少少走瓜, 唔係真係白來了!

坐捷運到到劍潭站, 一出站: 突然傾盆大雨, 你知拉,裹度已經地方唔大, 夾埋落雨就真係有點麻煩, 對皮鞋入曬水, 總要比任用遮督眼無數次.....

終於食道想食好耐既: 阿宗麵線同豪大大雞扒拉....卦左甘多年, 今晚都算一償心願,可以返酒店眠羅!!!唔好意思, 由於時間關係, 係我醒起要拍照雞扒的時候, oh, sorry! 已經落左肚了! 甘唯有影張招牌拉,哈哈哈....

本來星期一可以有多半日, 點知夜晚老闆話: 如果可以的話,聽日早D返公司做野拉.

我只可以講: 知道!

因為......又難怪巨, 公司太多黃馬褂, 又係唔做野既, 連公司都唔返既.....唯有硬住頭皮, 又一早起身敢去機場STANDBY上機, 有咩機走得就走了.....好苦.

返到香港下午2點, 直本公司, 一路開工到夜晚9點先閃得....

我好X攰羅.....真係好攰羅.

好采有呢各地方比我呻, 唔係真係變態都似!!!

15/9 台灣第一晚

2007-09-18T18:10:00.000+08:00

終於安全到達台灣機場, 老闆同同事已經係機場等埋我去酒店(巨細大阪過來).

做的士直飛國聯酒店, 擺低行李10分鐘出發去breeze centre個site度.....夜晚第一餐竟然係酒店自助餐!!(雖然係REGENT!)

全程我只食左個頭盤+一碟肉類....無了!!! 終於捱到10點幾, 以為可以返酒店, 點知個法國婆話: 不如去飲杯野拉, 順便傾埋其他野! 暈~~~~~~

於是乎, 一傾就到夜晚1點幾.....真係攰到扒街.......返到酒店沖埋涼, 整理埋D文件已經係3點幾....最羅命係第朝要7點半開會........真係非人生活!

好采個法國婆都幾過癮, 講到勞氣處都一倫粗口....哈哈哈, 幾岩我河車!

台灣TRIP: 15/9

2007-09-18T17:51:00.000+08:00

15號下午1點的飛機去台灣, 係機場差D比個CX既白痴仔激死!!!
話說我去到COUNTER CHENCK-IN拉, 巨望住我本新RENEW的護照話:
CX: 丁小姐你去過台灣未阿?
我: 去過, 應該係02-03年間
CX: 甘你有無舊台證阿?
我: 阿?!無哦, 都甘多年了無KEEP到哦; 而且我問過中華旅行社, 去過就得了唔使羅返舊簽證哦...
CX: 唔得哦,丁小姐一定要羅埋舊果份先可以上機哦!!!
我: 點會阿, 你唔比我上機, 你有乜權力阿??!
CX: 如果你唔帶舊果個就一定唔上得飛機哦.....
我: "--------------"(完全啞言!) 就算人地唔比我入境都係去到LANDING人地退返我返來嘖, 你有乜權力唔比我去阿???甘我而加要點X樣做先(火都來)??
CX: 我要打個TELEX去台灣入境處確認你是否可以上機哦.....
我: 好~~~~~~你打拉, 不過我要趕去開會, 班機係1:32PM, 二家係12:40分, 我趕唔到上機,趕唔到開會, 但你又證實我有去過又點先???!!
CX: "----------------"不如等我先打去先拉..................

我妖阿!!!
我D工人都去得, 點解我要帶埋舊果份,N年前既野我點會KEEP道而加阿?! 大老阿....痴腺既....
終於攪左15分鐘先話OK可以去哦, 但我就要趕頭趕命甘跑去上機....一路跑就一路講曬粗口.....
死人CX,D服務越來越差, 個個空姐都黑口黑面, 去台北的飛機餐真係慘不忍睹.....我都費事提.
好采巨比我趕到上機, 否則, 哼, 我一定PORT到巨祖宗18代~!!!

西湖春天

2007-09-18T16:20:00.000+08:00

上兩個星期六, 同男朋友去左間持杭州菜的菜館, 叫西湖春天, 因為深圳時再太少地

方食江折菜, 見到網上個個都追捧呢間菜館, 所以就決定試試.

間野有2層, 第一層剛裝修完畢, 都算干淨企理, 聽講係深圳都成10年

有了, 有必要裝修下了; 只見人頭湧湧(我地去到已經8點幾), 座無虛

席, 得二樓有個2人抬(總裝修梗), 座低無耐, 其他大台都坐滿曬,

好多香港人, 睇來都係因名氣來食.

一座低就來左2個前菜小點, 好明顯都係要收錢的拉, 每碟4元人仔....

一個係辣椒海帶絲, 麻麻地, 反而另一個叫腰豆的幾好味, 有D甜甜地, 中間伴粒話梅, 好開胃.

冷盤係: 香辣腰花, 腰花都幾新鮮,不過味道不夠辣, 我覺德羅....

跟住係龍井蝦仁, 茶味不重, 反而係河蝦仁好新鮮, 不錯,當然價錢

都不比香港便宜好多, 都成80元到一碟, 份量也不太多, 兩人食都OK,

呢D價錢係大陸來講算貴.

再來一個灌湯包, 三個起, 每個3元.....湯汁滿溢, 略嫌肉地不夠鮮,

不過係深圳來講呢已經好好了,因為呢處真係無地方食似樣D既

江浙菜/上海菜, 有間似模似樣裝修又不差的算係執到了.

最驚喜係呢味: 咸菜黃魚烳, 適中的咸菜+新鮮的小黃魚肉, 味道

鹹味都剛剛好, 直頭要比幾個讚字至得......

直得一題的係: 好久好久沒有食呢樣野了: 西湖耦粉, 顧名思義,

係用水開耦粉煮的, 甜甜地可以當甜品, 煮好後係粘粘地, 不喜歡

的人會覺得似...鼻涕羅(哈哈哈);以前細個係上海成日食, 跟住來

香港後, 已經20幾年未食過了.....好開心, 又有反同年時的感覺.......

呢處服務係大陸來講算好, 服務員基本上都講廣東話,可以溝通,

地方有OK, 包房的話也只是由480-980人仔, 人數由6-14個......

對我地來講當然係便宜拉....有機會, 我地要否拉大對上去試試呢?

"賴野"月

2007-09-06T13:15:00.000+08:00

公司呢排唔知做乜, 頭頭碰著黑, 個個都唔順利.

新加坡: 竟然做漏一張台, 總要係最重要果張; 地台做斜左, 要想辦法更改, 落曬地磚, 有D難度; 有個FACADE飾櫃竟然無裝燈枝就出左貨!!! 出貨表又打錯 (跟少一眼就出事)

時代廣場FURLA: 落ORDER的fixtures竟然有兩份圖, 唔知邊份岩?!(跟少左二眼,又出事!!)

st petersburg: 隻船剛岩出左海, 竟然收到電話話要用飛機哦! 點截停架船呢,大老?? 船公司唔係我架......唯有係中途轉飛機, 好采錯有錯著,無用到直航船, 不過又要再安排過整張單....做到PK....道而加總未知道結果......日日都提心吊膽中過活......又唔知道到時候又會賴乜了.

哈哈, 祝我好運拉......

久違的小南國生日飯

2007-08-24T17:26:00.000+08:00

好奈都無好好甘坐低同朋友吃餐飯了.....

適逢朋友生日, 之前見到阿四去過小南國,我又想去,所以今次提議去呢間, 朋友都OK, 好好采我勤晚我可以係8點前走人, 終於無遲到到現場.....

朋友FLORA係壽星女, 所以著左條紅色的ONE PC裙, 好精神好靓, 阿貓呢就一貫的SMART CASUAL, 閃盡全場...唯獨我好似求求期期著對平底鞋, 真失禮街方!!希望壽星女唔好介意拉.

勤晚叫左必食的: 小籠包, 不過端上台的的賣相是在麻麻.....跟住係紅燒

肉, 見到的確有D驚, 因為確實肥淋淋, 不過食落完全唔多覺肥, 我總食左碗白飯添, 送飯一流.....椒鹽小黃魚,每人一條, 肉厚鮮美, 不錯....百頁小堂菜, 不過不失, 叉子燒餅由於上來後擺左陣凍左所以軟左, 唔多得.....以後唔會再叫囉.....最後的桂花拉糕, 好煙韌, 有淡淡的桂花香, 可以再試.

三條女, 嗶里巴拉甘好快就過了2個鍾頭, 好奈都無同巨地八掛了, 好懷念以前我低成日出來食飯, 跟住在直落BAR飲野的日子.....我已經幾年無去過, 好似同呢各世界拖晒節甘, 覺得自己又背又OUT......

過多幾各禮拜拉,我應該會好D既拉, 姊妹們, 到時我一定煩你地出街價, 唔好推我阿!

"勤力"

2007-08-03T21:44:00.000+08:00

而加係夜晚9時55分, 我-丁小姐仍在公司努力中;
努力地將手頭上果12個project一氣呵成, 努力地令自己的週末過得輕鬆D;
努力地安排好所有的繁瑣的工程安排;
努力地令自己覺得公司有多"重用"你, 有多"重要".....

好攰, 右肩由於長時間的打字肩周炎又發作; 疼痛難熬.
鬼叫你窮阿, 頂硬上囉, 同志們!!

丁小姐, 加油加油, 公司樓下後面有入油站, 攰既話就落去飲幾啖拉, 補充體力阿;
真係 - 誰怕誰!

如果入D油就可以精神反晒, 幾好阿~~~~~

07.07.22晚+23號懸磁浮列車

2007-07-25T14:10:00.001+08:00

22號晚叫埋charlotte去朋友家吃便飯, 大家見到既我其實唔係"真既", 哈哈, 因為我都唔敢相信果各係我羅, 太肥了拉......嚇曾你地請見諒!!!

07.07.22

2007-07-25T14:06:00.001+08:00

雖然發燒好眼訓, 都要係甘意PO些少照片既:

我朝思暮想的小楊生煎, 另一款係夜晚去吃既四川菜: 水煮牛蛙(田雞).....味道幾好架, 本來我都怕, 不過原來肉地好滑下...

匆匆上海行07.07.21

2007-07-25T13:46:00.001+08:00

上個星期四下午先決定有是要走轉上海,順便帶埋維修工具上去, 21號日頭總要返工,夜晚7點飛機;
到了上海已經接近10點了.
匆匆的2天行程, 實在趕, 上海熱到唔願走出街甘製, 見到毒辣既太陽我就想哩埋!天氣報告話35度, 我肯定有37度起碼, 係陽光底下3分鐘的我, 頭髮已經想火燒......於是係甘向大商場絹....一冷一熱, 不出所料, 返到HK病鬼左了, 勤晚鼻水, 發燒一齊找上門!今早死撐起身去睇醫生, 點知道睇開果個放大假, 要後日先返; 算, 乜醫生都算, 睇左先算.....
順帶一提, 剛岩沙律都係上海培訓, 於是乎就叫埋巨一齊去朋友家中作客, 吃左餐住家上海菜.
可憐得巨阿, 去左上海2個禮拜, 第一餐離開酒店範圍的正餐!!!
飯後我帶巨去新天地行下, 當然拉, 巨就同期他遊客一樣舉機影相, 好采果晚雨後天氣很清涼, 行係條路度有微風, 上天還算作美, 比左個好天氣我地......
我就好過巨, 朋友餐餐帶我周圍去吃....哈, 肥到豬頭囉.
臨走果日(23/7), 沙律11點飛機, 我就2點半的, 各自回家羅~~~~

久違了

2007-07-24T12:39:00.000+08:00

有成3個月無來過呢度了, 工作繁忙之餘, 每日返到家中都已經扒係張床眠了, 實在有心無力.
呢幾個月好似發生好多事, 無論係自己定朋友, 學到不少生活上的點滴道理;
朋友想合資係上海攪時裝生意, 我也蠢蠢欲動;
想不到原來上海的租金已經超越香港了, 貴得嚇人!
1個只有40-60呎的地方,一年的租金竟然要12-18萬!!!總要係D好似批發市場的地方, 雖然我也想攪此類的不貴的衣服, 但係如此看來, 我要賣幾多件衫先可以回本?! 風險似乎不少....幾次想施行都放低了.
有甘既想法其實主要的原因還是覺得工作-累-人!
而加的工作真的....好累!
沒有一個formal system可跟從, 甘樣唔好, 甘樣又唔好, 客人已經難伺候, 連老闆都......
簡單講句: 根本無放假休息時間.
所謂的放假也就係我要隨時隨地開定電話甚至blackberry, 如果離開香港需要飛线, 我需要袋定兩個電話係身, 因為我老闆可以攪笑到以為: 電話飛左線, 連SMS都會飛去我另外的電話號碼出哦!!!
你話死未!!!!見你未無反應就不停地SMS你, 有時我根本唔知道他揾過我, 點解唔打電話呢??!呢樣野真係想極都唔明!!電話甘方便, 我回覆巨SMS有時長途$$更多~~~~
明明自己上梗廠, 已經係大陸果邊, 係要SMS我電話叫我打比廠的司機去接.....
出到街係唔接電話, 係要SMS我, 大老, 你可以打反公司阿, 我SMS反比你又要比錢....有時候已經忙到死, 總要不停打中文字(用手機哦), 打到手痛; 心想打個電話同巨講算拉, 奈何巨係唔聽電話, 有乜辦法!!!!
有問題發生, 從來都不會撐自己人, 或者了解下古仔先, 一開口就鬧到PK, 就話自己人無用! 邊有人願意為你賣力阿?
唉, 好攰好辛苦, 我唔係超人, 唔系通天曉, 唔係萬能的.......
開始覺的返工的壓力太大了, 毫無歸屬感了....應該怎麼辦呢??!
辭職?? 還未找到新工作, 談何容易, 除非我不用吃咯.
煩!!!!!!!!

無奈+無奈=生活

2007-04-27T18:15:00.000+08:00

好奈無上來呢處了, 呢幾日食唔到訓唔安樂....因為有個貨櫃比大陸海關扣住左, 提心吊膽了三日, 今日下午5點9終於放出.
本來星期二出關來香港,趕星期三船期的, 因為內地海關同志的一句: 報關內容同實際東西不附, 還需要提供照片; 當天就立即給了照片, 奈何又係唔得;
然後第二天再報關, 重頭再來過, 今次報關資料通過了, 可惜去到覆磅的時候, 竟然說我們的貨報少了1噸(1000KGS)的重量!!!! 晴天霹靂, 通通又再退回原地.........
第三天一早又動身來做, 整各船公司都同我擔心起來, 話曬我公司都算巨地大大地既客, 如果巨地今次都總唔得, 我第以後就唔會再用巨, 人之常情, 我想幫口都唔得.....心想今次應該萬事具備了瓜, 海關想點就點, 你地話想點填就點填了, 總有乜可以玩??! 當我吃梗晚飯時候, 船公司來電: 丁小姐, 唔好意思阿, 今晚又過唔到了, 原因.....唔知道囉!!.......我個腦"嗡"一下,完全暈晒!
第四天全部又再來多一次, 我已經無晒戰鬥能力, 心想: 我已經盡做力了, 夠了夠操心夠辛苦了(每天的瑣碎事情一大堆, 還要操心呢壇野), 今次無死了瓜.....
結果竟然還是有: 就係理得你地心急, 巨地唔急, 張單由早上遞進去到下午5點都未有意思放出來放行車輛, 如果今晚再唔可以來港, 我就......大鍋, 遲硬!
到時候延誤了客人的開舖日期, 巨地有權CLAIM我地大筆費用.....更大的影響就係: 公司名譽有關, 唔講得笑! 雖然我控制唔到情形, 但都責無旁貸.
同上面D政府官員打交道, 你永遠唔知道原因, 只是跟隨他們的心意辦事, 看來, 我還是需要多多熟習!!! (大吉利士)
連續三日的緊張生活終於可以抖抖氣了.....
希望今晚訓個好覺.....
聽晚要參加老闆屬會: 南九龍獅子會的charity ball....精神D精神D.........!

朋友

2007-03-26T14:52:00.000+08:00

朋友是否真的可以歷久常新, 感情不變??
最近見到很多以前的舊朋友, 言談間發覺感覺不對了, 以前的那種默契已經消失得蕩然無存, 換來的是那份還免強可以叫做友情的東西, 老實講, 感覺不太好, 因為你會覺得很無奈, 那種你不會開口問為何的感覺, 想必大家都會有共鳴.
在努力尋找話題的同時, 又覺得有些少的格格不入, 雖然大家都訴說最近的生活點滴, 但是那種隔閡就好像是無形的屏障, 讓人有種莫名的不安: 以前是那麼的CLOSE, 現在怎麼會......???
唉,可能又是我想多了, 我總覺得, 朋友就算不見面都可以是永久的, 尤其那些舊時很頭契的好友, 忽然感覺陌生了........
可惜??不知道, 只是一種個人的感覺...是否見面多的才算是好朋友??
又證明了, 任何感情真的會隨時間的流逝而變遷, 要保留一份真摯的, 很難....

半夜2點的餛飩

2007-03-16T11:44:00.000+08:00

前晚訓到半夜點幾,突然餓醒, 點都訓唔返, 終於都要起身去廚房抄野食....可惜媽媽不在家,可以即時食得既都無, 唯有自己死死地氣羅返冰格內媽媽包的上海薺菜餛飩....
半夢半醒間, 褒水, 落餛飩, 落生抽, 麻油, 再加D胡椒粉係面, 就完成左一碗....
哈,食落又OK哦, 雖然無媽媽煮得好味, 但半夜頂住先都收貨拉;
平時我乜都唔做(雖然都曉煮D飯既), 飯來張口衣來伸手, 一路食一路想起媽媽,
真係要嘆一句:
世上只有媽媽好呢~~~~

思鄉

2007-03-05T19:26:00.000+08:00

回來一個禮拜了, 不過似乎靈魂還是留在了上海 - 我的第一故鄉.
身處當地覺得每天吃呀吃的很累, 現在沒得吃了又來範賤的聲音了....
家人和朋友的盛情款待, 雖然每天趕場子, 但是很高興很滿足, 大家都熱烈地招呼你吃,喝,飲......很不好意思沒有給你們帶來什麼值得留念的東西;
如果有機會,我還是會飛快地返來, 甚至係回流工作,
因為此地實在有太多的東西值得我留戀, 鄉情未必每人都感受到的, 我很幸運,我有;
小時後離開得早, 沒有多少朋友, 反而是現在交的上海朋友或者家人,都令我牽掛;
香港 - 對於這個第二故鄉,我的感覺很複雜, 有甜有苦有樂, 我也知道如果在上海留的久了, 又必定會想回香港....哈, 蠻好笑的, 兩邊都是我最愛的地方有最愛的親人和朋友們....
如果有一天真的要選擇, 坦白講, 我真的是不知道如何選擇......
奇怪, 怎麼突然胡思亂想來了, 可能是年紀大了八, 好想有一個真正屬於自己的地方定下來.....
不知道在哪一天可以實現.

22日上海慶生

2007-02-28T15:51:00.000+08:00

22日適逢我正日, 於是一家人共有15人出去吃飯, 很開心好久好久沒有同上海的家人一起慶祝了, 為我準備了大蛋糕, 豐盛的晚餐, 還有意外的由我舅父送我的金莎朱古力花花.....
開心開心開心~~~~~~~
多謝多謝多謝~~~~~~~
不要誤會, 相中人係我男友, 並不是我舅父,哈........老果PAIR當然係我老爸老媽拉~~~

酒店及周邊

2007-02-28T15:26:00.000+08:00

今次住的係朋友介紹的motel168連鎖酒店, 本來抱住一試的心態, 結果果然沒有令我失望,
外表新潮, 內理設施照三星級的, 甚至比有些的還乾淨企理, 價錢只是人民幣238/晚, 由VIP卡的再便宜10元, 底死到還有複式的套房, 都係6百零到, 人多住又幾好哦, 自己人自成一閣, 幾爽架.
全上海有幾十家店, 有興趣可去 www.motel168.com 看看.
個廁所幾抵死, 沖涼房內係塊透明玻璃, 可以望出去睇電視, 又可以係出面望入來, 嘿嘿, 一覽無遺, 幾盞鬼, 比人睇曬全相咯, 呵呵~~~~
酒店位置很很很方便, 位於金陵東路上面, 林鄰近熱鬧的淮海路及南京路步行街, 10分鐘到可以行去時代廣場....樓下就係雲南路小吃街, 有著名的小紹興雞(二家已經不太好吃了), 還有我的摯愛: "鮮得來"排骨年糕, 味道獨特的炸排骨, 甘多年來都令我懷念, 每次返去一定要去幫櫬1-2次先夠....綿綿的年糕上面有D甜醬拌來吃, 每快排骨賣4.3人民幣....也有套餐, 大約12元, 就有圖中的幾款配套: 有排骨年糕,還有百頁包湯(俗稱單當). 附近還有些新疆人開的燒烤店, 重慶雞公褒等等美食. 夜晚有幾間總開到凌晨4-5點, 令我養成左半夜落街消夜的壞習慣, 該椳了!!!
臨走果日都係忍唔住去買5塊返來吃, 夜晚係香港家中已經全被幹掉了! 爽~~~~

保羅飯店 16/2

2007-02-28T14:28:00.000+08:00

每日馬不停蹄的飯局, 真的事疲於奔命.....比返工更累! 不過開心....
已經無咩興致拍照留念, 貼幾張我覺得幾好味的八. 實在太多好吃的東西影唔切已經被人幹掉了或者破壞左外觀,所以沒有拍到....有點可惜呢.

2月16號第一餐接風
朋友開車去機場接我地後再去酒店CHECK IN, 然後直奔一間叫保羅飯店的晚餐....
話說間餐館的老闆本來係街邊擺個地攤修自行車輪胎的, 閑來就騰出些少地方比D的士司機休息打戥, 供應埋餐飲, 燒得一手不錯的小菜....最後終於就打響名堂開了呢間舖, 日日都爆棚,地方雖然不是很大也不算精緻....只不過呢類家常的地方更令人回味.

第一個係外婆紅燒肉, 望落好得人驚, 我喜歡用汁來撈飯,味道一流.....
魚頭湯, 出乎意料之外, 沒有味精....鮮甜可口;
茄子包餅....上海的茄子同香港不一樣, 係果種小小嫩嫩的, 口感很滑很甜, 用薄餅寶來食, 恩, 好味阿......

番來拉~~~

2007-02-26T12:35:00.000+08:00

話甘快就結束了我9日的上海之旅, 由16號番到去,每天就是吃吃吃的....基本上由睜開眼開始就不停的做口部運動, 番來望下D相片, 哇,又肥左, 塊面就來連鏡頭都擺唔落了.....
鬼叫自己為食, 一日三餐, 再加宵夜.....大魚大肉,完全無節制,抵死了而加點算.....
勤日由酒店去機場的途中,差點吐血, 比個的士司機氣個半死, 原來巨係唔知點樣去機場哦???!!
大老, 你唔知就米去拉,扎得車連機場都唔知點去係米應該吃蕉呢.....我一連18個字的粗口FING過去, 巨完全無招架能力, 總要係廣東話....只系識得眼光光望住我,講對唔住..結果早2小時出門口的我,平時使需要最多40分鐘的路程,變成1個多鐘頭兼差點趕唔到counter close.....誰知道因禍得福被upgrade去business class, 好過經濟倉拉係哇, 順番條氣....睇下我個衰樣: 終於有反D笑容!!!

廖府為我慶生2007

2007-02-13T13:18:00.000+08:00

自從入左廖家後, 年年生日都係會同大班廖太們過, 係我每年的期待節目之一....
而家更加入左好多新女, 有ANNIE, CONNIE同沙律, 龐大的美食團陣容實在不能小噓;
個個都知道我好KITTY呢只貓貓,都會係我生日時候買比我, 還有紅色艷麗的手袋...豬仔錢甕....份份都中意, 好多謝大家甘有心記得我....
昨晚吃既係新派越南菜, 味道不差,最鍾意係軟殼蟹, 好香,同外層脆內理暖的法包配請咖哩雞...唔~~~YUMMY~~~~
人第話人應該每天都懷有感激之心, 因為世事並不是固然的, 別人為何要同你慶祝,為何又要曬時間曬錢幫你買禮物....還不是因為人家記得你, 當你係朋友, 想你開心, 知道你心意給你喜歡的......
所以我實在應該感恩, 多謝曬大家, 年年都可以令我驚喜萬分, 呢種開心我想男友並不能給我......
有你地既生日, 就算無禮物, 我都滿足~~~~嘻嘻
喔, SORRY, 勤晚無化妝, 有無嚇曾大家呢??

台灣喪食團

2007-02-08T10:49:00.000+08:00

見到阿四D係台灣影番來既相, 真係得三個字: 名副其實-喪食團!
越睇就越流口水越想去, 不過見到食冰果PART簡直有D嚇曾,可以想像得到當時其他團友的詫異表情, 不過我係幾年前已經領教過, 係老銅既麻布茶坊食晏, 我既午餐先來, 跟住先到巨碟冰...旦係,當我仍然係享受梗我既午餐盒時, 前後不過5分鐘到, 坐我對面既阿四小姐,已經將果碟山丘似的冰就地處決....快既程度令我目瞪口呆.......中間總要加雜巨滔滔不絕的"偉論"添.....
想起而家都總打冷震.....
以後都唔敢同巨一起....食冰!!!

多謝阿大

2007-02-05T10:47:00.000+08:00

2號晚相約好奈無見既阿貓(阿大)吃飯(難得巨有時間), 兩條女相約係銅鑼灣時代等....見到面後先決定去邊處食...經過一番擾讓,終於去了GOD.
我地都要左個南瓜湯, 再來個菠菜PIZZA, 加個MAIN COURSE: strawberry BBQ ribs......飯後再來個napolean蛋糕, 完美.
難得阿大有時間, 又因為我生日, 死都要請我, 真係榮幸榮幸拉....
多謝曬, 大......
吹左一輪水, 又講下人生大道理, 哈, 幾個鍾頭好快就甘過去....
帶住滿足的心情回去.....

年假倒數中

2007-02-02T18:20:00.000+08:00

一日減一日甘數住日子, 16號將會提早開始放我的年假, 今年公司26號開工, 都算唔話得了....可以休息甘多日.
已經2年無真正返上海, 今年應該會好熱鬧, 有媽媽,爸爸同埋表妹同行, 加埋上海家中親戚, 哇...由年三十晚開始晚晚出去吃飯直到年初五為止....不停站, 我肯定, 返來之日, 絕對唔敢上磅, 爆硬!!!
雖然假期唔算短, 旦係計落原來都無咩私人時間同朋友出去HEE....有D上海朋友又有D香港過上海做野生活的朋友,起碼都有三班人, 點安排好呢.....最多係中午出來吃飯, 或者夜晚同家人吃完在除去...似乎後者時間妥當D, 起碼唔使下下就住, 反正唔使返工早起, 一於晚夜D玩癲D....呵呵呵
想起放假都開心....個心一早已經唔知飛左去邊咯~~~~~

天妒紅顏-許瑋倫

2007-01-29T10:33:00.000+08:00

突然聽到的噩耗, 實在不太相信, 不過事實又真係.....
本身不是太好許小姐, 不過從來都無覺得討厭過, 有時候反而覺得巨幾可愛, 比一般台灣的女生爽朗同真, 雖然外表看來比較柔弱, 不過其實都幾硬正的一個女孩子.
甘後生就走了, 實在.....可惜. 家人的痛苦相信很難用筆墨形容, 一個僅僅27歲風華正茂時期, 一場車禍從此就天各一方....學阿四話齋, 人-真係化!
講真, 我個心都有D唔多舒服, 始終認識巨係因為仔仔阿, 大頭阿, 小美阿呢類帥哥....可能淺意識有種愛屋及烏的感覺, 說不清拉.....
反正希望巨從此真的成為一個無憂無慮的小仙女....

虛偽

2007-01-24T14:58:00.000+08:00

越來越討厭某D人既假面具, 何苦要係我面前扮到好好甘, 又要係老闆面前突然邀功, 越"級"挑戰!
此乃一虛偽也!
究竟知唔知道乜叫步聚, 話你又唔係, 唔話你你又覺得自己無錯......想我點呢!
個個中意返工就返工,唔中意就人影都無, 電話又無到, 有D日日返工準時既人條氣又唔順, 又要同我投訴....又想我點呢!
大家甘大個人, 適當的自律應該自己知道, 知道自己既責任係邊度, 而唔係請我返來叫你記得起身返工.....
一係就返工準時, 但就做野蒙盛盛, 一係就日日都唔知去左邊, 做野就懶懶下....老闆交代的工作, 個個都唔會自己依時交, 攪到老闆乜野狗屎垃圾都CC埋比我, 當事人無功課交就要我去理, 同樣既事情發生過太多次, 老闆你其實究竟想我點做呢又!
此乃不負責任也,炒得(如我係老闆的話).
係米應該唔係由我來擔心來負責, 係米應該由果D不負責任既"同事"來揹返......大家都打份工, 都有出糧, 我不能下下都幫人執手尾,係哇?!
此乃拿屎上身也(非我所願).!!!!

呢個世界究竟有無公理!!! 睇你地幾時死, 賴鍋勁既!!!!!!!!哈哈哈............!!!!!!!!!!!!!!!!!!!!!!!!

(嚴重癲喪中, 食左四個星期的抗生素, 相信你都會好似我甘, 或者更甚)

半島晚餐賀壽

2007-01-22T11:49:00.000+08:00

表妹生日,又有張半島酒店的F&B COUPON,所以一行三條女去左THE LOBBY晚飯, 叫左好幾款野, 味道幾好, 值得推介TEXAN BURGER同BTL PIZZA.....可惜又係因為餓,又無影相咯....食PIZZA時候,酒店比左個好MINI版的KETCHUP同TOBASCO我第, 好鬼死CUTIE.....終於記得影, 個樽仔得2吋零高,本來想問巨羅多SET番屋企玩下, 後來都放棄....
三條女, 叫左個SALAD(竟然有個滾水蛋係入面), PIZZA, BURGER, n cod fish with black bean paste sauce, apple & blackberry pie with vanila icecream & jasmine cream brulee with patcho nut ice cream......埋單盛惠$1001大元.....好笑的是, 我們的COUPON是$1000元的, 嘖係話餐飯都係1元....不過當然比唔出手拉...比$20就算....
米當自己去左半島(茶餐廳)咯,哈....總想點阿.....

PS: 多謝老闆比我的COUPON

久病初愈第一餐

2007-01-16T10:56:00.000+08:00

病了幾乎三個星期的我, 昨晚終於可以出來見人吃飯了,
之前根本唔可以出街食飯因為剛岩打通左個鼻竇, 係甘倒流到喉嚨,每隔唔夠2分鐘就要吐痰, 實在自己都覺得唔好意思, 怕比人歧視!
而加好返好多, 多謝曬甘多朋友的關心.
勤晚的晚餐係慶祝阿丁同ANNIE的生日, 吃既係印尼野, 雖然有幾道菜我唔可以食, 不過好似好耐都無見巨地, 成個開籠雀甘講不停......
食物麻麻,不太享受, 反而又收到日本返來既奶奶的手信.....嘿嘿, 2只黑蕉蕉....好得意, 第一時間梗係影相先拉....
閑談間大家見到我DIY貼上很多閃石的電話, 古唔到大家反應都幾好, 總以為會覺得我好誇張添...
嘿嘿, 我就係中意D金色閃閃既野.

公司財(病)位!!!

2007-01-08T11:14:00.000+08:00

前兩日公司有個外判工程的老闆上來公司,老闆不在, 就同我爹左兩句, 言談間知道我病, 巨竟然毫無驚奇地話:梗係拉,你呢個正式係公司最正既財位,你公司賺甘多, 你梗係受唔起拉, 米成日病咯!
我都覺得有問題了,自從舊年轉來呢個位就未好過, 由年頭病到年尾......都米話唔信邪....我無甘既命水受甘多錢財, 自命不是富人的命, 又點會受得到亞??!
今年個風水先生來睇既話,我一定要鄭重地告訴他: 幫我攪下個位, 一係就調位!
不過環顧公司四週, 又真係無地方可以調.....唔通入老闆房咩?!
唯有用風水攪攪巨咯....
有時人唔信呢樣野都唔得....
為左自己健康, 寧可信其有不可信其無.
(滿天神佛保佑我)

酒心朱古力手信

2007-01-03T14:21:00.000+08:00

老闆知道我好朱古力, 所以放假系瑞士返來帶左幾個特別D既朱古力返來,
我都系第一次見有人頭馬COGNAC味道的, 酒心就見得多…… 總有個系GINGER味的;暫時都未開來吃, 因爲人還是不大舒服,
還需要再睇專科復診, 雖然醫生話不用介口,
見得鬼多都怕黑, 自己要小心爲妙……

07新年願望

2007-01-03T13:10:00.000+08:00

多病多痛的06年終於過去,我系帶住病過除夕的, 自己都覺得可憐!
聖誕節前是因爲感冒,之後因爲不清,就開始鼻竇炎發作, 整個臉的上半部分痛到難以忍受,
吃了一個星期的藥還是沒有完全好轉的迹象……
今天下班又要去看醫生, 唉, 希望07年的我不要那麽多病痛,實在是很痛苦,
成個藥罐甘, 日日都要帶藥系身,
天老爺, 可憐下我拉,
我想要健康呀~~~~~

Haggan Daz High Tea

2006-12-14T17:31:00.000+08:00

琴日因为要出去帮公司买圣诞节礼物,所以一朝都系公司赶赶赶, 想尽量上午完成, 下午去SHOPPING….表妹刚岩打来问有无时间LUNCH, 我就索性做埋工作先出去汇合巨.
去到太古城, 见到HAGGAN DAZ我既至爱雪糕, 又醒起有张100元的COUPON就来过期, 马上拉表妹入去, 见巨有个HIGH TEA SET, 立即拣左个来试试.
个SET盛惠$138+10%, 如果系下午茶时间, 足够2-3个女人用, 顶层系可自选既雪糕球四个, 有脆杯盛住, 我地拣左: Belgium Chocolate, Macadamia Nut, Raseberry & tiramisu…..中间果层系四件好的式既蛋糕仔, 味道颇甜, 如果有D咸点就好好多…最底果层系由士多啤梨, 奇异果, 哈蜜瓜同少少芒果组成, 整体来讲实在麻麻, 只是自己胃口呢排好麻麻, 又吾知要吃乜, 所以就叫了呢个餐….
最后的评语系: 除左雪糕外, 其他都属于普通货仔. 不过就几中意呢类TEA既形式, 有得慢慢HEE下甘….

Pizza Express

2006-12-08T12:31:00.000+08:00

琴晚因爲要出中環做NITE JOB,去左太子大廈,
整完要醫肚, 同個運輸公司既經理去左擺花街, 亦都系我表妹一直力撐既:
Pizza Express
有地鋪,也有1-2/F., 1樓乃吸煙區, 有個小型的角位有JAZZ音樂演奏, 大概每隔15分鐘有一PART仔….不過由於地方不大,我地又剛好坐正巨個位附近, 所以講真傾計時都幾吵耳下…..OVERALL, 都幾好既.
我地叫左個雜錦海鮮PIZZA, 一個Chicken Caeser Salad, 一支生力, 同一個TIRAMISU, 味道果然幾好….埋單都系229到…
抱歉,由於太餓, 已經忘記要影相呢家野….不過真系幾好味道, HOMEMADE的薄身比撒, 好過PIZZA HUT的多多聲, 正宗好多, 巨雖然有好多間分店, 不過聽講都系中環呢間最正宗, 個廚師系義大利老,見巨走出走入個廚房好忙甘, 又著埋件間條衫, 嘿嘿, 幾似布魯圖咯…..
大家下次可以去試試, 價錢又合理, 又可以包場攪FUNCTION, 每層地方不太大,環境味道都得架……幾岩我地班女人咯.
吾使下下中菜甘齋.

www.pizzaexpress.com.hk

Watami New Menu

2006-12-07T11:35:00.000+08:00

久違了的和民, 好耐無去吃過….
之前收過類似的和民廣告, 不過今日收到的確實覺得幾靚, D公仔不錯,
至少吾會刻意地扮CUTIE, 望落幾新鮮幾得…..
如果有得換, 我都想要…..
喂,又話去吃既, 幾時啊??

Mousa Black Chocolate by Glico (Shanghai)

2006-11-28T10:39:00.000+08:00

媽媽系上海番來, 買左好多典型手信番來比阿姨們, 其中給我的有盒上海格力高出的黑朱古力(Mousa), 個樣類似系chocolate truffle果類, 味道都幾岩我, 甘甘地不太苦也不太甜, 不錯…..老媽話知道我好朱古力所以系超市見到就買了…不過巨一路話成個月無見我我肥左好多, 塊面太包, 成晚一路又不停昃我食野…..真的好矛盾下.
不過, 女人應該就系甘, 有媽媽照顧, 矛盾又何防呢….

Kimchi Chocolate

2006-11-27T12:10:00.000+08:00

同事系Korea帶返來的泡菜朱古力….
不過味道真系好怪咯….
甜既朱古力+辣辣地味道 = 幾怪咯….
個樣就幾COLORFUL, 味道就真系不欲置評了….

舊同事MION姐牛一晚餐

2006-11-27T10:43:00.000+08:00

由於有老闆比的300蚊香港老飯店現金券,於是同班舊同事24號晚去左北角麗東酒店的底座的香港老飯店,食物水準一般,但價錢就嚇死我….
一個普通熏魚冷盆仔, 竟然要成$90元,一碟蠔油生菜要$80!!…有無貴左D呢,喔?? 呢個地區竟然要收如此價錢, 竟然總貴過碟送, 吹漲! 好吃都算了,只是味道又真的無驚喜, 但又不能話難食咯, 幾十年的招牌菜館都系得兩個字: 普通!….吾系因爲有呢D現金券,都幾難叫我去幫襯了.
不過一班女人大大話話都認識左超過10年了, 大家其實都志不在吃, 次次出來都互相呻下工作遇到的難題/麻煩; 每次同朋友講起別人都好羡慕甘既友誼可以甘長, 而家幾間公司D同事既關係真系無得比.
叫左乜送都吾講咯, 都系PO張靚靚壽星相拉, 穿紅衫的就系咯; 其他幾個都系舊同事……
祝壽星女:青春常駐, 永遠都系一個靚靚媽咪~~~~

病倒了

2006-11-21T18:49:00.000+08:00

都有段時間无UPDATE自己個BLOG了, 古唔到可以靜靜甘坐定既竟然系要病先得.
其實上個週末都已經有先兆, 禮拜六要返長周, 禮拜日中午到起身頭痛到炸開...
死忍住唔拍藥丸....終於夜晚返到香港出去食韓國燒烤時成身都覺得詹寒詹凍.....星期一死頂返公司,因為有特發事情要做.,...午飯過後, 立即來料, 猛打噴嚏, 成身又痛又軟,,,,,,感冒開始發作!
夜晚, 以為可以自行拍幾粒傷風素就得....點知道到今日終於敗下陣來,徹底發燒.....(抵死).
唉, 今日一早9點幾連續4個公司電話吵醒, 跟住索性唔訓去睇醫生, 醫生實在太好生意, BOOK左1130都要等到1220先有得睇, 睇完順便買粥(已是第二頓粥)回家....由琴晚8點到而家都系粥, 好難頂......
今晚吃D固體食物好哦, 否則把口實寡死, 人都軟腳蟹甘.....
(不過見到肥膩野都想嘔)

粢飯當消夜

2006-11-13T12:36:00.000+08:00

昨晚由深圳返來, 火車去到沙田站時, 突然覺得好餓, 好想去吃甜品, 奈何果時已經系晚上11點了, 都應該無人同我去癲!
打左個電話問阿四, 老銅邊度有得吃糖水, 四叫我去登龍街既”糖人街”望下有乜好野…..轉上巴士後改變主意毅然系銅記落車, 直奔渣甸街24小時上海點心店,買左個想吃好耐既又成日都懶忙都無去買既甜粢飯(剛好最後一個), 哇,羅上手, 熱辣辣, 正!
返到屋企已是11點幾, 第一時間除左對BOOT, 狂吞獵物……講真夜麻麻要食曬一整個粢飯確實很滯, 但事實系我又真系嚼曬, 好佩服自己甘察得…自己都驚訝, 再系甘食法,未到冬天已經臃腫難分了!!!
哎, 算罷拉, Carmen Ting, 吃得是福嘛…..
想那麽多幹嘛?!
人生不就是吃,喝,拉,撒,睡嘛…….(學阿四話齋)誰怕誰!

日本手信-香焦味和果子

2006-11-09T16:46:00.000+08:00

日本客人今日來OFFICE同老闆傾野, 帶左盒香焦味道的和果子來比我, 個樣幾CUTIE, 成隻焦形, 不算太甜,美味道還可以接受, 一開封好大陣香焦味…..
個樣鬼死甘得意, 同同事一人一個分左巨…..
請大家食”焦”咯…哈……..

滿江紅後話+奶奶大板手信

2006-11-08T10:48:00.000+08:00

相請不如偶遇, 答應左星期二去吃四川菜的, 表妹臨時都參與, 因爲都”好”辣….
終於一台7人, 吵喧巴閉左三個鐘頭到撤退….
奶奶系大板返來後第一次見面, 講飲講食之餘, 當然一定有我喜歡既KITTY手信拉, 點少得啊.
今次好正下, 有我喜愛既兩款CROSSOVER:
黑色盒紫色加只蝴蝶記號響貓頭….KITTY & ANNA SUI 面油紙
還有包都系黑底, 梅子味道既昆布…..
兩款都幾COOL, 多謝奶奶時時都記得我地啊…
席間奶奶還展示左巨的KITYY同ANNA SUI的手巾仔,又系典型色, 好死靚….
日本人個腦系米發達D我就吾知道, 但人地確實系可以有令你乖乖奉獻的本事.
人多吃飯好辦事, 咩都叫得來吃, 千萬吾好睇小我地班女人既食量,分分鐘勁過班馬甩老, 越級挑戰當閒事….
喂, 有飯局約埋出來呀喂~~~~

新朋友~~~~重PO (3/11)

2006-11-06T16:55:00.000+08:00

3/11約左朋友去睇死亡筆記2, 雖然1未睇過, 不過都可以好投入, 完全吾覺得悶…套戲OK, 不過就覺得L可惜D,因爲會死……散場後打電話比之前幫我地訂飛的GLORIA位置, 因爲還沒有睡意, 又WEEKEND, 個心有D野…一不做二不休, GLORIA同CARLOS系維園的巴西燒烤處HEE梗, 我同DAISY馬上過去加入話團…..雖然呢個CARLOS先生出現系GLORIA的話題及BLOG都無數次, 昨晚都系第一次見面……不過巨好TALKATIVE, 完全無陌生或吾自在既感覺, 令我呢個本來就必哩八拉既八婆都覺得”相逢恨晚”……..終於,間餐廳就仿佛系我地四件包場甘, 完全無理會到隔離左右既客人, 高談闊論到自己都覺得有D過分….中間夾雜左好多題材, 有廣告(當然我插吾口拉), 護膚品, 衫拉, 些拉…..咩都有D, 還贈送零星既粗口幾句…..夜晚自助餐$68+$38(任飲紅酒), 食物OK, 我地志不在吃, 支HOUSEWINE還可以入口, 粗略估計我地應該飲左人地3枝到….嘿……人家12:30關門大吉, 我地夾硬坐到1點都吾捨得起身…..滔滔不絕地噴口水…..可惜時間太短, 相約下個星期二去食四川菜, 再來過…….

无知无理的客人-純粹發洩的一篇

2006-11-02T00:01:00.000+08:00

話說公司最近做左隻新牌子的FIXTURES(furnitures), 批貨系去馬來西亞的...上個禮拜放假前已經全部出晒貨, 唸住終於可以放返個安樂既假期,點知道....
琴日一返到公司一開電腦, 見到個客既EMAIL雪花甘飛入來, 心當堂涼左一大截, 因為一定无好野!
上個禮拜出貨前已經比巨玩到一鍋泡....古唔到戲肉系呢兩日!
10月21號: 原定計畫出貨的日子, 但系20號晚10點幾收到EMAIL, 取消, 日期再定, 於是乎, 我同FORWARDER立即截停已經上梗shenzhen同肇慶去羅貨的運輸車, 終於比個運輸問候左一輪阿媽同家人...
10月24號: 本來一起出貨變成了分兩日過去, 唔知道原因....本來23號準備好晒既文件全部作廢, 又要從頭再打, 最羅命要我幫巨將COST減到最低,因為KL稅收利害哦, 將原本70幾萬貨, 夾硬減到唔夠10萬.....便有人相信有甘便宜既高級家具(昏倒~~~), 好,我改......而加話要分開走, 我即時死狗, 再加O型嘴: 因為一個ITEM并不是PACK系一個大木箱, 縱所週知, 重型家具一定要分件包裝, 去到當地組裝的....而加話要分開打INVOICE, 某部分已經走左, 其他部分後走的我點打價錢! 好, 我又都幫你改(硬住頭皮計返條數).....
10月26日: 終於出埋最後一個40"貨櫃....安心等放假
10月31日: 收到賤人指示(根本就无理要求), 要我將PACKING LIST上既箱頭數量更改到同INVOICE一樣的數量!!!!原因系怕果便海關見到箱頭數量唔MATCH發票的數量會加重稅或甚至開箱檢查.....夠白痴的, INVOICE只是貨物的物價, 關乜箱頭數量事....我甚至可以系一個ITEM分開10個箱都得, 根本就毫無關係的.....而且貨物已經系海上,我又點可能更改出貨數量, 到時清唔到關既一定系巨,因為數量唔岩.....
終於我忍唔住, 將成個FILE掉系地上......唔得, 癲硬了我......由年頭忍呢個八婆忍到呢家,受夠了你白痴及超乎常人既无理要求(太多不能盡錄)....又要入好貨,又唔想比稅.....縮數唸到盡;
實在難以想像為何有D人自己吾熟果行, 卻又要偏偏來指點你, 同巨解釋一大倫, 都系當你放屁.....講乜以前系大公司(LV, GUCCI)做高級行政人員,連普通SENSE都唔曉....該煨咯!

無得出糧???

2006-10-27T16:00:00.000+08:00

琴晚同舊公司同事吃飯, 談話中聽到話呢個月巨地多數應該無得出糧哦….
原來間公司系甘同銀行借錢, 將自己既物業按完又按, 跟住又系大陸發大來攪, 成立左好多公司….攪到今時今日就系, 一個蓋禽十個褒的結果….前排又問HSBC借了筆錢, 但對方遲遲都未有錢入戶口, 公司內的皇親國戚又日日系甘”FING”錢, 根本而家個戶口刮沙都無(朋友做會計部的)…..今日都話未知何時有,真陰公.
雖然話未夠7日期限可以吾使同人交代, 但就難爲左我朋友, 一定日日比人問候(甚至系老母)….
聽完都捏一把汗, 好彩走得快…..打工打工, 無得出糧勢系假…..
家族生意實在不敢恭維…..
有時打份工都好睇你彩數, 遇到好老闆好同事固之然好, 但點都吾及一間穩健公司來得實際, 大老大姐, 每日一開眼就需要使錢, 邊可能話吾收錢….唉, 總之, 祝巨地好運拉.
(唯一中意而家間公司既好處系:出糧永早無遲,最低限度都準時)